影片
更多
2021-05-12
56 瀏覽
最近講起想食下新加坡菜, 朋友即刻推介我地去長沙灣呢間蘇山雞飯。本身諗住早少少去食飯, 避開晚市人潮, 點知未夠7點, 去到已經座無虛席。雖然門口有一條人龍, 但餐廳安排得好快, 只係等左一陣就可以入座了。原本我地只係座2人枱, 但醒目又細心既店員見我地order 咁多食物, 驚張枱無位擺, 即刻轉我地去坐卡位, 呢點真係抵讚! 新加坡白胡椒肉骨茶配白飯+炸油條 $68 - 我地改左轉油飯, 油飯香氣撲鼻, 入口啖啖油香, 不知不覺食哂成碗飯。排骨既肉質軟淋易咬, 湯底充滿藥材香味, 胡椒味仲幾重, 仲有脆卜卜既油條, 好正!獅城芽菜走地雞半隻$130 - 芽菜係肥肥矮矮既怡保芽菜, 味道清甜又爽口。走地雞既肉質充滿彈性, 而且雞味濃郁, 就咁單獨食已經好好味, 如果想食濃味少少, 仲可以配上3款醬料同食 (濃醬油/酸辣汁/薑蓉), 味道層次更加豐富。 星洲龍蝦叻沙摻摻配鮮油咖央多士 $88- 性價比極高又充滿視覺震撼既一碗摻摻!! 第一時間先呷一啖湯, 入口微辣同時充滿椰奶香味, 一飲就知係落足心機煮既好湯底。摻摻即係米粉+油麵, 佢地吸收哂湯底既精華, 極度好味。有大大隻既龍蝦,
本身諗住早少少去食飯, 避開晚市人潮, 點知未夠7點, 去到已經座無虛席。
雖然門口有一條人龍, 但餐廳安排得好快, 只係等左一陣就可以入座了。
原本我地只係座2人枱, 但醒目又細心既店員見我地order 咁多食物, 驚張枱無位擺, 即刻轉我地去坐卡位, 呢點真係抵讚!
新加坡白胡椒肉骨茶配白飯+炸油條 $68
- 我地改左轉油飯, 油飯香氣撲鼻, 入口啖啖油香, 不知不覺食哂成碗飯。
排骨既肉質軟淋易咬, 湯底充滿藥材香味, 胡椒味仲幾重, 仲有脆卜卜既油條, 好正!
獅城芽菜走地雞半隻$130
- 芽菜係肥肥矮矮既怡保芽菜, 味道清甜又爽口。
走地雞既肉質充滿彈性, 而且雞味濃郁, 就咁單獨食已經好好味, 如果想食濃味少少, 仲可以配上3款醬料同食 (濃醬油/酸辣汁/薑蓉), 味道層次更加豐富。
星洲龍蝦叻沙摻摻配鮮油咖央多士 $88
- 性價比極高又充滿視覺震撼既一碗摻摻!! 第一時間先呷一啖湯, 入口微辣同時充滿椰奶香味, 一飲就知係落足心機煮既好湯底。
摻摻即係米粉+油麵, 佢地吸收哂湯底既精華, 極度好味。
有大大隻既龍蝦, 肉質彈牙啖啖肉, 加埋分量超多配菜如豆卜, 魚片, 芽菜, 通菜同雞蛋等等, 超級滿足。
- 鮮油咖央多士 真係必食推介!! 多士哄得熱辣辣又香脆, 配上大大件半溶既冰凍牛油加上微甜既咖央, 一冷一熱既口感, 夠哂邪惡同時又好有滿足感 !
雪山樽仔奶茶 (跟餐加 $9)
- 茶味香濃, 奶香味重, 口感滑順, 啱哂我呢個奶茶怪。
熱鮮檸檬薏米 (跟餐加 $6)
- 用料十足又天然既一杯養生飲品, 唔會太甜, 感覺開胃健康。
張貼
