影片
更多
2022-01-08
1675 瀏覽
E for egg 大家喺幼稚園已經學過a first apple b for...喺中學嘅時候spelling要學 a for annihilation b for burlesque c for commiserate ，但其實學完都唔會用到🥲，但其實e只係egg咁簡單。 E for egg 位於大圍村對出，附近coffee shop 以我認知只得屋子空間，平常人都唔會經過，面對著城門"渠”。呢個cafe 其實前排都好hit，而家到咗2:30都要排隊😭。 餐廳本身位於積運街，呈現木系清新風格，裝修簡潔，白色嘅枱櫈加上水泥地板，木嘅掛櫃，只有安心出行嘅logo顯得格格不入🤪。店舖有一半去咗廚房度，環境偏細。 餐廳主打滑蛋盒子吐司，價錢由$55-108不等，除此之外仲有日式定食料理，甜品就有企直嘅焦糖燉蛋吐司🤨，其他就要睇另外嘅menu。 煙三文魚芝士滑蛋盒子吐司$70 價錢算係正正常常，同一般三文魚bagel價錢相若，份量就適中，男士去食就可能未夠飽，個design 幾新穎，唔似平時嘅egg drop，個toast塞著哂所有食材😂。 餐廳將麵包中間切咗一個洞，麵包其實厚到爆，未切開之
大家喺幼稚園已經學過a first apple b for...喺中學嘅時候spelling要學 a for annihilation b for burlesque c for commiserate ，但其實學完都唔會用到🥲，但其實e只係egg咁簡單。
E for egg 位於大圍村對出，附近coffee shop 以我認知只得屋子空間，平常人都唔會經過，面對著城門"渠”。呢個cafe 其實前排都好hit，而家到咗2:30都要排隊😭。
餐廳本身位於積運街，呈現木系清新風格，
裝修簡潔，白色嘅枱櫈加上水泥地板，木嘅掛櫃，只有安心出行嘅logo顯得格格不入🤪。店舖有一半去咗廚房度，環境偏細。
餐廳主打滑蛋盒子吐司，價錢由$55-108不等，除此之外仲有日式定食料理，甜品就有企直嘅焦糖燉蛋吐司🤨，其他就要睇另外嘅menu。
煙三文魚芝士滑蛋盒子吐司$70
煙三文魚芝士滑蛋盒子吐司
$70
82 瀏覽
0 讚好
0 留言
價錢算係正正常常，同一般三文魚bagel價錢相若，份量就適中，男士去食就可能未夠飽，個design 幾新穎，唔似平時嘅egg drop，個toast塞著哂所有食材😂。
煙三文魚芝士滑蛋盒子吐司
$70
26 瀏覽
0 讚好
0 留言
餐廳將麵包中間切咗一個洞，麵包其實厚到爆，未切開之前仲厚過兩片西多，外層兩邊都有烘過，裏面搽咗牛油。麵包嘅氣孔蓬鬆，蘇軟，牛油味非常之重，香口，好似丹麥多士咁，我就好鐘意🤩。
炒蛋非常之澎湃，目測有3-4隻，生熟程度理想，仲有蛋汁，嫩滑油潤，調味足夠，如果更滑就好啦。用海苔同蕃荽調味👍。
煙三文魚芝士滑蛋盒子吐司
63 瀏覽
0 讚好
0 留言
芝士就從缺，或者只係呢個冇芝士成份嘅醬汁，呢個真係減分👎。醬汁份量非常之多，非常之甜，有芥末嘅香味，甜中帶酸，但就搶走哂炒蛋/麵包嘅味道😑。
煙三文魚份量就幾多，鮮嫰可口，咸香味十足，有魚油香，“花”裏面嘅三文魚食落好似更加嫩紅🤨。
配菜有炸蕃薯條，炸嘅時間可以再耐D，尚算脆口，明顯係炸定，軟糯甜美，唔差🤫。
招牌奶蓋咖啡$48
招牌奶蓋咖啡
$48
11 瀏覽
1 讚好
0 留言
賣相真係幾igable 上面有滴酒+奶蓋做成隻蛋+朱古力粉令佢更立體，好少見餐廳有賣酒類飲品lor😍。
入面就只係latte再加酒，因為我唔係酒嘅expert ，唔知係乜酒，只知酒味超濃，有甜中帶甘嘅after taste，飲到醉wing wing🥴。咖啡嘅Espresso 味就被酒味蓋過。冰凍，奶香濃。上面嘅奶蓋好creamy，但朱古力粉就冇乜用😝。
張貼
