E FOR EGG

營業中

休息中

E for Egg主打盒子吐司，聽講好多人吃好多人打卡，所以我好早就到咗食晚餐。裝飾木系為主，不過坐得未算舒服，睇ig好似可以book位訂榻榻米。*金沙軟殼蟹三文魚籽海鮮沙律盒子吐司 $108餡料太豐富令到吐司存在感好低。軟殼蟹炸得好香好脆，一啲都唔油膩。炒蛋份量唔算多，未算嫩滑。三文魚籽點綴吓，淋上金沙醬，不過鹹蛋黃嘅鹹香未夠。番薯條份量少，普普通通。焦糖雞蛋布丁盒子吐司 $60吐司用牛油煎香咗，比我想像中薄身。布丁軟滑偏甜，但未夠奶香蛋香，而且份量唔多。焦糖嘅部分來自碟上嘅焦糖醬，所以好啱螞蟻人。小食拼盤 (日式芝士年糕 & 酥炸雞軟骨) $58份量2人share啱啱好，芝士年糕軟糯但芝士未夠澎湃，雞軟骨炸得酥炸得脆。開心果特調 $56最底有豆腐花配料，開心果味濃，不過啲冰溶咗會溝淡咗，估唔到開心果味配豆味幾夾。面頭有奶泡，但奶味比較淡。