影片
更多
2022-10-15
861 瀏覽
📍中環：臺北棧🍜招牌牛肉面 $108🍚糖心蛋滷肉飯 $55🍗手繪雙色鹽酥雞 $88🫔髒髒鹹蛋黃芋泥蛋餅 $85🍹芭樂苦瓜汁 $58🍹木瓜鮮奶牛乳 $48🍹檸檬冬瓜茶 $58≡※≡※≡※≡※≡※≡※≡※≡※≡※≡※≡※≡※≡※≡※≡※今次去咗呢間中環人氣台式餐廳✨佢門口係白色嘅格仔磚 有典型台灣小店嘅感覺 但係內部環境反而好現代 比較昏暗 感覺似係cyber風🚦仲有一張長吧枱 幾有氛圍 坐落都算舒適 但位置唔算多 等位可能會有少少耐～食物方面✨🍜招牌牛肉麵牛肉麵有得比你揀刀削麵或者粗麵 我哋就揀咗刀削麵 口感咬落幾煙韌 湯底有少少藥材味🤏🏻 面頭鋪咗啲炸蟲草花同埋啲百葉豆腐 牛肉都幾淋 好入味 不過份量就算比較少 但整體嚟講味道算係唔錯👍🏻🍚糖心蛋滷肉飯 飯上面嘅滷肉肥瘦適中 醬汁同滷肉粒都算多 味道啱啱好 唔會話太鹹 飯嘅份量係普通屋企食飯碗嘅一大碗🍚 不過就略嫌啲飯煲得有少少爛 整體嚟講不過不失 但唔算話好特別～🍗手繪雙色鹽酥雞鹽酥雞份量都算多 每件都大大嚿 我哋三個人食每人都食到2-3嚿左右🙊 啲雞外脆內嫩 上到枱仲熱辣辣應該啱啱炸好 啲雞唔會炸到好乾仲有少少肉汁✨佢有黑松露醬同
🍜招牌牛肉面 $108
🍚糖心蛋滷肉飯 $55
🍗手繪雙色鹽酥雞 $88
🫔髒髒鹹蛋黃芋泥蛋餅 $85
🍹芭樂苦瓜汁 $58
🍹木瓜鮮奶牛乳 $48
🍹檸檬冬瓜茶 $58
≡※≡※≡※≡※≡※≡※≡※≡※≡※≡※≡※≡※≡※≡※≡※
今次去咗呢間中環人氣台式餐廳✨
佢門口係白色嘅格仔磚 有典型台灣小店嘅感覺 但係內部環境反而好現代 比較昏暗 感覺似係cyber風🚦仲有一張長吧枱 幾有氛圍 坐落都算舒適 但位置唔算多 等位可能會有少少耐～
食物方面✨
🍜招牌牛肉麵
牛肉麵有得比你揀刀削麵或者粗麵 我哋就揀咗刀削麵 口感咬落幾煙韌 湯底有少少藥材味🤏🏻 面頭鋪咗啲炸蟲草花同埋啲百葉豆腐 牛肉都幾淋 好入味 不過份量就算比較少 但整體嚟講味道算係唔錯👍🏻
🍚糖心蛋滷肉飯
飯上面嘅滷肉肥瘦適中 醬汁同滷肉粒都算多 味道啱啱好 唔會話太鹹 飯嘅份量係普通屋企食飯碗嘅一大碗🍚 不過就略嫌啲飯煲得有少少爛 整體嚟講不過不失 但唔算話好特別～
🍗手繪雙色鹽酥雞
鹽酥雞份量都算多 每件都大大嚿 我哋三個人食每人都食到2-3嚿左右🙊 啲雞外脆內嫩 上到枱仲熱辣辣應該啱啱炸好 啲雞唔會炸到好乾仲有少少肉汁✨佢有黑松露醬同埋柚子醬 柚子醬酸酸甜甜幾開胃 不過個人來講比較鍾意黑松露醬 佢點得多都唔會覺得好膩同佢個鹽酥雞好夾👍🏻
🫔髒髒鹹蛋黃芋泥蛋餅
差唔多枱枱都有叫嘅蛋餅😋蛋皮厚度適中 有少少蛋香味 入邊包住香甜嘅芋泥蓉 碟上面鋪滿咗鹹蛋黃碎 不過食落冇咩鹹蛋味 佢喺紫薯粉上面加咗少少煉奶 鹹甜鹹甜嘅配搭 令到成件事頗特別🙈p.s.可以當做甜品🤣
🍹芭樂苦瓜汁
感覺幾清新 有少少回甘嘅感覺 可能因為係完全無添加糖嘅原因 所以飲到一半開始有少少苦 如果唔鍾意苦味嘅人就唔建議飲啦🙅🏻♀️
🍹木瓜鮮奶牛乳
木瓜奶中規中矩 佢飲落有少少渣 應該係啱啱好新鮮榨出嚟嘅 感覺甜咗少少🤏🏻
🍹檸檬冬瓜茶
檸檬同冬瓜配搭啱啱好 唔會過酸又唔會太甜 解渴同好解膩都一流👍🏻
總括嚟講 食物質素都尚算唔錯 不過可能餐廳位於中環地區 所以價錢都會偏貴 而且份量吾算多 但如果大家有興趣想試吓fusion台式料理可以去試吓🖤
張貼
