川味娘子

營業中

休息中

住南區咁耐，間唔中都鍾意去鴨脷洲大利食下嘢貪全部都係店仔 好有情懷咁啱見到新開張 店長又好熱情當然要幫襯下❣️酥脆雞軟骨一份都好多 炸粉好薄身 果然粒粒都好酥脆店員仲好貼心問我鍾唔鍾意食孜然粉我咁重口味當然啱晒啦！❣️涼拌萵筍絲個汁酸酸甜甜 仲有少少紅燈籠椒食落好清爽開胃❣️杏汁豬肺湯店家有三款燉湯供應 不過真係好搶手一路食一路聽到有熟客致電留湯而且都見到有街坊專程嚟飲湯食個蒸飯果然個燉湯好足料又濃郁杏仁味濃 豬肺見到有少少金黃色而且仲有幾飯雞腳屋企人表示滿意❣️招牌手撕雞例牌都已經好大碟 酸酸甜甜嘅醬汁仲有紫洋蔥 青瓜 芫茜增加口感同味道層次雞絲肉質彈牙❣️鳳爪排骨煲仔飯呢個壓軸出場 即叫即整做咗幾下年人先發覺自己唔識食煲仔飯原來最後要加茶先整到層飯焦出嚟😂當我不斷掘嘅時候店長就出手了煲仔飯個飯底唔會好油～飯整到剛剛好唔會太軟唔會太硬而且排骨都好足料店長仲請咗我地飲羅漢果茶清下熱氣添🩷