帝豪海鮮酒家高級宴會廳

營業中

休息中

年廿八，洗邋遢。洗到攰攰哋，出去元朗飲茶抖吓先，坐車去咗元朗嘅帝豪海鮮酒家。佢哋今日已經開始調整價錢，加咗小小價，不過算啦，又唔係食得多。叫咗3個點心，南乳炆豬手，炆得好腍同好入味。另外嗰2個係雞扎同魚翅餃，呢2個點心就正正常常。不過值得一提嘅係佢哋嘅茶葉非常之唔錯，出味快又好味。我平時好小嚟呢間茶樓飲茶，不過今日飲完之後都可以嚟多啲，因為交通都算方便，樓下就有小巴總站，行幾分鐘出元朗大馬路就巴士同輕鐵搭，再唔係就西鐵站都好近。