更多
2023-12-15
663 瀏覽
望月樓聽得多,食就真係第一次食,老公做完個大PROJECT話要慶祝一下於是就黎左呢度食~環境方面暗暗地幾好氣氛~眼見都幾多家庭GATHERING或者傾生意既食客~睇下MENU,就叫左以下幾樣~荔芋香酥鴿荔芋香酥鴨係我好鍾意食既一道菜,但唔係好多度有得食~呢度竟然用上既係鴿~更加令我一睇到就話必叫!一上檯果然冇令我失望~外層酥脆得黎一D都唔油,鴿身非常厚肉,中間夾住既芋蓉咸甜適中,口感綿密,非常滋味!最難得係我地食左幾件都唔覺得滯!仲愈食愈想食!螞蟻上樹係我地未食過既味道,少少辣好香口,整個調味令平平無奇既粉絲加添色彩,非常好送飯既一道荐!栗子炆獅頭鵝秋冬係食栗子既好季節,平時食既都係栗子炆雞,呢度竟然有獅頭鵝食,一上檯已經聞到好香,鵝肉份量都幾多,又係好好送飯既一味菜!望月焗豬扒飯到重頭戲”望月焗豬扒飯”,見每檯都有,一定係必叫之選。一黎到我地都嘩左一聲,因為真係比想像中大份,面層仲有兩隻煎蛋,吉穿佢D蛋汁流落D飯度,撈埋酸酸甜甜既醬汁,真係會不停ENCORE。真係花生湯圓、黑芝麻卷雖然好飽但都係決定食埋甜品先夠滿足~我地叫左真係花生湯圓同黑芝麻糕。花生湯員係咸甜口味,仲食到一粒粒花生
荔芋香酥鴿
荔芋香酥鴨係我好鍾意食既一道菜,但唔係好多度有得食~呢度竟然用上既係鴿~更加令我一睇到就話必叫!一上檯果然冇令我失望~外層酥脆得黎一D都唔油,鴿身非常厚肉,中間夾住既芋蓉咸甜適中,口感綿密,非常滋味!最難得係我地食左幾件都唔覺得滯!仲愈食愈想食!
螞蟻上樹
係我地未食過既味道,少少辣好香口,整個調味令平平無奇既粉絲加添色彩,非常好送飯既一道荐!
栗子炆獅頭鵝
秋冬係食栗子既好季節,平時食既都係栗子炆雞,呢度竟然有獅頭鵝食,一上檯已經聞到好香,鵝肉份量都幾多,又係好好送飯既一味菜!
望月焗豬扒飯
到重頭戲”望月焗豬扒飯”,見每檯都有,一定係必叫之選。一黎到我地都嘩左一聲,因為真係比想像中大份,面層仲有兩隻煎蛋,吉穿佢D蛋汁流落D飯度,撈埋酸酸甜甜既醬汁,真係會不停ENCORE。
真係花生湯圓、黑芝麻卷
雖然好飽但都係決定食埋甜品先夠滿足~我地叫左真係花生湯圓同黑芝麻糕。花生湯員係咸甜口味,仲食到一粒粒花生,一路食一路忍唔住講,真係花生!而黑芝麻卷有三條,口感扎實,有濃濃既芝麻味,感覺養生又好食!
總括黎講食物質素幾好,加埋個環境好岩大班人傾下計或者生意經!
張貼