大邊爐火鍋店

營業中

休息中

餐廳環境舒服而且私隱度高，適合三五知己恰下恰下，傾下心事。蕃茄牛柳粒湯底濃濃既蕃茄味，味道清甜。配料有蕃茄粒、牛柳粒、豆腐好豐富。牛柳粒邊位有d膏，肉質冧身，好味🤤豉味醬打邊爐一定要試呢款醬汁：類似XO醬，味道超香濃。黑毛豬肉片油脂分布適中，簡單滾熟後便可，肉質嫩滑。大邊爐四色餃好誇張，其中一款餃子係有帶子及菠菜；另一款則有大大隻嘅蝦肉混豬肉，讚👍椒鹽大蝦🍤兩隻哈哈真係好大隻，將蝦蝦炸後好香脆。椒鹽味好重，蝦肉彈牙。椰青打邊爐，通常都會口渴飲椰青一定解渴，而且仲有好多椰肉，口感豐富。