增煇大排檔 & 增煇藝廚

營業中

休息中

好耐無嚟，水準仲keep到，話說去完Wine and Dine，肚餓揾地方醫肚，就同朋友去咗增煇，幾個人叫咗5個菜，好滿足。蒜蓉炒豆苗：豆苗夠嫩，加埋啲香噴噴嘅蒜蓉，味道濃郁而又唔會太油太膩，正。跟住整個豉油皇炒麵，啲麵炒得又彈又Q，仲有啲微微焦香嘅口感，勁夠鑊氣，豉油味又香濃，真心推介另外一款好食嘅菜式就係黑椒蝴蝶腩。肉煮到軟腍入味，肉質好滑好嫩，加埋啲蘿蔔吸哂啲汁，仲要鑊仔上，一路食一路熱住，天氣凍嚟食仲正最後，我要推薦椒鹽鮮魷。鮮嫩彈牙嘅鮮魷裹埋椒鹽，炸得香脆金黃，一咬入口，外脆內嫩，真係一絕！鮮魷嘅鮮味同椒鹽嘅鹹香完美結合，一啖一啖都令人回味無窮。