影片
更多
2024-04-09
120 瀏覽
餐廳：La Pizza Express (觀塘)地址：觀塘海濱道86號地下2號舖每逢星期六日觀塘海濱嘅草地都坐滿曬野餐嘅人🧺，散步到中段見到一排好搶眼嘅貨櫃箱，嗰度有間專賣pizza嘅小店🍕——La Pizza Express，佢哋主打意式拿坡里薄餅，亦有提供意粉、漢堡、沙律等，價錢仲好實惠🤑雖然佢哋所有食物都喺以外賣形式包裝，但小店前嘅空地都有啲檯凳俾你即買即食🥡，不過只提供即棄嘅餐具，下次嚟食嘢都喺自己帶餐具環保啲♻️。半露天嘅用餐區空曠闊落，仲有一陣陣吹嚟嘅海風🌬️，同時可以望住班後生仔踩板玩樂🛹叫任何一款主食加$15/$20就可以升級做套餐，包是日餐湯同指定飲品😙，是日餐湯有番茄忌廉湯🍅，飲品就揀咗樽裝Asahi 「極」黑咖啡，平時出面買都要十幾蚊枝❗️✝️經典豆豉鯪魚Pizza $58薄餅大約6吋大，加咗豆豉鯪魚貫徹港式風格，中西合壁夠曬創新🆕，市面上更加無見過。餅底充滿麵粉香，薄身而不失韌性，Pizza邊仲好香脆💥，上面仲加咗番茄、火箭菜、芝士、三色椒，同豆豉鯪魚濃郁嘅鹹香襯托出香濃滋味嘅組合👍🏽✝️牛肝菌汁煙鴨胸意粉 $58切片嘅鴨胸鮮嫩多汁，肉香同煙燻味喺口中散發🤤，清新嘅牛肝菌
地址：觀塘海濱道86號地下2號舖
每逢星期六日觀塘海濱嘅草地都坐滿曬野餐嘅人🧺，散步到中段見到一排好搶眼嘅貨櫃箱，嗰度有間專賣pizza嘅小店🍕——La Pizza Express，佢哋主打意式拿坡里薄餅，亦有提供意粉、漢堡、沙律等，價錢仲好實惠🤑
雖然佢哋所有食物都喺以外賣形式包裝，但小店前嘅空地都有啲檯凳俾你即買即食🥡，不過只提供即棄嘅餐具，下次嚟食嘢都喺自己帶餐具環保啲♻️。
半露天嘅用餐區空曠闊落，仲有一陣陣吹嚟嘅海風🌬️，同時可以望住班後生仔踩板玩樂🛹
叫任何一款主食加$15/$20就可以升級做套餐，包是日餐湯同指定飲品😙，
是日餐湯有番茄忌廉湯🍅，飲品就揀咗樽裝Asahi 「極」黑咖啡，平時出面買都要十幾蚊枝❗️
✝️經典豆豉鯪魚Pizza $58
薄餅大約6吋大，加咗豆豉鯪魚貫徹港式風格，中西合壁夠曬創新🆕，市面上更加無見過。
餅底充滿麵粉香，薄身而不失韌性，Pizza邊仲好香脆💥，上面仲加咗番茄、火箭菜、芝士、三色椒，同豆豉鯪魚濃郁嘅鹹香襯托出香濃滋味嘅組合👍🏽
✝️牛肝菌汁煙鴨胸意粉 $58
切片嘅鴨胸鮮嫩多汁，肉香同煙燻味喺口中散發🤤，清新嘅牛肝菌汁同鴨胸鹹香嘅精華互相輝映，配埋爽脆嘅三色椒令層次感進一步提升💯。
闊條麵嚼勁十足，每一啖都掛上濃稠嘅醬汁，又唔會太膩
✝️台式香腸拼盤 $45
拼盤8條共3款香腸——
蜜糖腸皮脆肉嫩，配以淡淡嘅蜂蜜香🍯；骨付腸嘅尾端接著一條雞骨，用手拎起嚟食好過癮🍗，肉質彈牙多汁，擁有豬肉脂肪嘅甘甜味🐖；
個人最鍾意就喺黑椒腸，紮實嘅口感配上微辣嘅椒香好惹味😋
張貼
