KATANA by SAKEH

營業中

休息中

約了好友蘇豪區輕鬆一下，有清酒和串燒人生一樂也。餐廳環境舒適有氣氛，裝潢時尚帶有東瀛風。食客不多，有充足私人空間，朋友聚餐拖友食飯皆宜。安藝虎 土佐錦 無瀘過純米吟釀 300ml清酒味道柔和，酒精濃度15%，甜甜地，易入口，搭配串燒幾好。味琳魚乾 $98魚乾甜美口感鬆軟，沾上沙律醬美味。柚子胡椒雞上脾肉 $42雞脾肉夠嫩滑，加埋柚子胡椒調味，唔錯。荔枝豬肉卷 $36豚肉捲住荔枝燒，好juicy荔枝甜美清香，減卻不少油膩感。西京燒銀鱈魚 $188銀鱈魚肥美份量十足，魚肉細嫩嫩滑，充滿魚油香，甜甜地好有鮮味。日本大蔥 $34大蔥粗身咬落爽口，好食。炸池魚 $98池魚仔炸得好脆身，食落好香口。鰻魚脆脆 $118脆米外層包住鰻魚，好有新鮮感。脆脆口感加上肥美鰻魚，食起來有驚喜。迷你鰻魚飯 - $108鰻魚肥美，魚肉嫩，塗上美味蒲燒醬汁，細細碗份量剛剛好，仲有更紫菜碎佈底，食落好滋味。