譚仔雲南米線 (已結業)

譚仔其實成日都有食，見無咩人肯寫下食評，我見得閒就寫喇。觀塘真係勁多人返工，lunch time基本上無得直入，一定要係外面等。但間嘢真係超大，頂多等十分鐘就入到，可以接受。同班同事一齊去食，叫咗雞肉十小。十小即係少少辣，即係最少辣。少米可以平一蚊，女仔少米啱啱好。好唔好食？正正常常，飽到肚。唔係人間美味，但唔會入唔到口。窮人恩物。魚腐十小。魚腐同外面唔同，似麵根，好索湯，我鐘意嘅。榨醬好食呀！！！！！剩榨醬撈麵都掂。