哈豆

營業中

休息中

同事推介呢間台灣小店，貪佢環境夠大坐得都舒服。我叫咗個雞肉飯，價錢合理份量都夠女仔食。中規中矩冇咩驚喜位。朋友嗰個牛肉麵份量偏細，但係聞落去調味足夠，朋友就話味道都唔錯。仲有一位朋友叫咗竹炭雞蛋芝士三文治，我試咗少少，芝士分量多做到拉絲效果，但係冇竹炭味。算係一個打卡唔錯嘅下午茶餐咁樣。因為我係星期日去食嘅，所以冇套餐包嘢飲。朋友叫咗個珍珠豆漿紅茶， 普普通通，加多$28去飲就唔推介啦。