人人和平小飯店

營業中

休息中

兩個人突然想食中菜，但好難叫餸，諗起呢間有套餐。佢哋其中一個主打菜係蜜汁叉燒，仲有啲秘製蜜汁黃豆伴碟。叉燒真係燒得好好食，又香又軟，燒到外面有少少燶，所以賣相都好好，係必食菜式。個海皇羹大家可以見到好多料，唔係就咁開個漿，好好飲。百花釀蟹鉗係二人餐，所以係得兩件，建議用第二款碟，改善賣相。不過炸到好香口。XO醬炒蝦仁帶子，兩款海鮮都好彈牙，火侯控制得宜。整體嚟講佢哋所有食品都好夠鑊氣，尤其個炒飯，師傅真係炒得好靚，而且份量夠，大家唔需要擔心。糖水係送嘅。