鳳城1954 (MegaBox)

營業中

休息中

鳳城1954(Megabox)之前已經來過幾次，覺得食物質素非常高，所以今日同屋企人再來光顧。環境不錯，枱同枱之間唔會太迫，四個人或以下坐窗邊卡位，望下風景更好。金皮炸子雞每次必食，十級推介，好味到震！雞皮炸得香脆，肉質鮮嫩，一d都唔乾，重食到雞油同肉汁，個個爭住食。1954蝦多士蝦膠彈牙，多士鬆脆，不過油多左少少。金磚豆腐真正做到外脆內軟，外皮香脆，豆腐滑，加埋調味粉，令人想一食再食。金光炸粉果原來配湯食，都幾特別，外皮脆，咬落去粉果煙韌，饀就略淡。福建炒飯蛋炒飯底香，d飯粒粒分明，用料豐富，汁多，味道一流。