SHAKE SHACK (國際金融中心商場)

營業中

休息中

今日有野要做，黎到中環附近。臨近中午時間自己一個行經IFC，見到呢間美國連鎖快餐店，就決定一試。其實呢間鋪頭已經喺香港開咗一段時間，而且仲開左其他分店，但有鑒於我有輕度排隊恐懼症😂所以一直以來都未有機會去食。呢個burger以快餐店黎計味道都真係不過不失。先講佢嘅肉，食落去係有濃郁嘅牛肉味，比起其他連鎖快餐店嘅漢堡包，的確唔錯，對得住個價錢。特別要稱讚一下佢個麵包。並非用普通嘅白麵包，而係黃色麵包，對於我呢個「包人」黎講，食到一個咁鬆軟嘅麵包，真係非常幸福除咗burger，我仲叫咗薯條食。見呢個芝士薯條都只係比普通薯條貴多少少，所以就豪不猶豫叫咗。薯條係粗身薯條，配上芝士醬，真係好邪惡，但係得自己一個人食，食落有少少濟。可能反而叫返普通薯條再配上茄汁加芥末醬嚟食仲好。呢間中環分店有室外地方，係涼涼地嘅天氣坐起出面食，應該感覺一流，真係好似去咗外國咁。