更多
2023-07-05
249 瀏覽
一路幫襯開觀塘店好滿意,物超所值,中環新店收工黎食都好方便,迫不及待黎試下水準。鮮菠蘿芥末蝦球每次都會叫,蝦球非常大粒,大口如我都要分幾啖食。 芥末醬係好有深度嘅味道,微微攻鼻好惹味,淨係為左個醬都值得再食。酥炸蜂巢蠔餅首先比一般潮州菜大份已經好驚喜,全塊蠔餅真係炸得好酥脆而唔會油膩,每一啖都好似食緊酥皮咁好香。 除左粒粒蠔仔同有蛋香之外,我鐘意食落有好多炸得好香口嘅蔥,味道好豐富。十年陳皮魚茸羹真係落咗好多陳皮,平時我都少食但真係有清新香味唔苦澀,有提鮮嘅作用。 魚茸羹好順滑,清清地味道好養生,食得出係啲工夫菜。
張貼