影片
更多
2022-05-01
377 瀏覽
喺朋友嘅推薦下就決定試下依間印度菜☺️餐廳位置對我依啲靠google map搵路嘅路痴嚟講真係好隱蔽😂餐廳門口已經好靚，行到入餐廳裡面裝修都好Fancy好啱打卡😍💙Chaiwala Holiday Lunch set💙💵$298 pp因為想試多啲食物款式，所以就同朋友order咗lunch set試下～頭盤係固定四款嘅印度街邊小食，分別有油醋汁沙律菜、Pani puri、脆米同薯仔沙律😋沙律菜同薯仔沙律味道正常無驚喜～而且我終於食到我一直都好想試嘅Pani puri😍😍Pani puri係印度嘅經典街頭小食，係一款空心油炸球裡面有啲洋蔥、蕃茄、薯仔等等配料，再喺食之前淋少少特製酸酸辣嘅汁～無論係口感定味道都有種好特別嘅風味，值得一試🥰 脆米就好卜卜脆，再配上牛油果蓉，都係一款唔錯嘅前菜☺️另外個set包一款燒烤食物，我同朋友揀咗The Classic Chicken Tikka同Pink Salmon🤗個燒雞肉真係好有驚喜😳之前一食開啲印度餐廳嘅雞肉好多時都係比較鞋，我一直以為係因為印度式烹調方法嘅原因🤔但係我喺依間餐廳食到嘅燒雞好嫩又juicy😍加埋啲充滿印度風味嘅香料，正🤩另一款Pin
💙Chaiwala Holiday Lunch set💙
💵$298 pp
因為想試多啲食物款式，所以就同朋友order咗lunch set試下～頭盤係固定四款嘅印度街邊小食，分別有油醋汁沙律菜、Pani puri、脆米同薯仔沙律😋
沙律菜同薯仔沙律味道正常無驚喜～而且我終於食到我一直都好想試嘅Pani puri😍😍Pani puri係印度嘅經典街頭小食，係一款空心油炸球裡面有啲洋蔥、蕃茄、薯仔等等配料，再喺食之前淋少少特製酸酸辣嘅汁～無論係口感定味道都有種好特別嘅風味，值得一試🥰
脆米就好卜卜脆，再配上牛油果蓉，都係一款唔錯嘅前菜☺️
另外個set包一款燒烤食物，我同朋友揀咗The Classic Chicken Tikka同Pink Salmon🤗個燒雞肉真係好有驚喜😳之前一食開啲印度餐廳嘅雞肉好多時都係比較鞋，我一直以為係因為印度式烹調方法嘅原因🤔但係我喺依間餐廳食到嘅燒雞好嫩又juicy😍加埋啲充滿印度風味嘅香料，正🤩
另一款Pink Salmon都唔錯～一樣燒得好嫩，好pink😂不過如果要二揀一，我都係會prefer燒雞～
跟住就嚟到印度咖喱～揀咗Old Delhi Butter Chicken同Gosht Kofta Curry~一款雞一款牛肉丸，兩款咖喱都用咗蕃茄做base~雞嘅依款香料味比較重，亦都比較辣，如果覺得太辣，可以加啲另外一小碗嘅yoghurt醬汁，可以減低咖喱口嘅辣度☺️另一款牛肉丸嘅蕃茄味比較重，我覺得仲有一種類似用紅酒燉菜嘅味道😂個肉丸超好食！勁腍又好重牛味😍正呀～
兩款咖喱配naan都好夾好好食😋個naan都似係自家製～口感好煙韌，唔錯☺️
仲有一個印度香料炒飯，我揀咗羊肉炒飯，唔食羊嘅可以揀素食款，偏辣，好香香料味，如果唔係因為實在太飽我一定會食晒佢🥺
最後終於嚟到甜品喇～有carrot cake、雲呢拿雪糕同gulab jaman，一款傳統嘅印度甜品，不過真係太甜🙈完全係一舊浸滿糖水嘅粉球嚟，姐姐搞唔掂😂個carrot cake唔知點解食落似香蕉，偏乾，不過配埋雪糕食都ok，但係都係比較偏甜～
💛Chai Tea💛
💵$45
大大壺chai tea都係$45蚊其實cp值唔錯，好香香料味，口感溫和又唔會太刺激，唔錯～
💜Mango Lassi💜
💵$80
好多時食印度菜我都好鍾意叫依杯嘢飲，芒果乳酪咁，酸酸甜甜😋而好多時其實都會有少少口伏地甜，不過依間竟然係好出奇地係大概微糖到半糖嘅甜度😳啱晒我🥰
P.s. 有加一服務費
💕overall💕
依間餐廳裝修真係好靚，食物水準都好唔錯，雖然價錢唔平，但係如果偶爾食下都係一個唔錯嘅選擇☺
Pani puri
9 瀏覽
0 讚好
0 留言
The Classic Chicken Tikka
4 瀏覽
0 讚好
0 留言
Pink Salmon
7 瀏覽
0 讚好
0 留言
Old Delhi Butter Chicken and Gosht Kofta Curry
12 瀏覽
0 讚好
0 留言
Dessert Plater
7 瀏覽
0 讚好
0 留言
Chai Tea
$45
9 瀏覽
0 讚好
0 留言
Mango Lassi
$80
7 瀏覽
0 讚好
0 留言
張貼
