施心畢老撾餐廳

營業中

休息中

舖頭係樓上舖，我兩點半到，所似好似唔係好旺場，侍應好有心，落場食緊飯都幫我哋落單。環境裝修好似差少少，但勝在佢價錢好抵食。*冇影到湯粉，但佢好正，啲粉韌韌地，又有米香，湯底好濃又冇咩味精感覺。*蝦米青木瓜沙律 $68好爽口嘅沙律，味道酸酸甜甜，以酸為主，好開胃，有蝦米，又有番茄仔，仲有啲生四季豆，應該係傳統嘅做法。白咖哩雞肉見求 $78白咖哩一啲都唔辣，完全唔似咖哩味，雞脾肉好滑，冇雪藏雞味，有幾條薯條，新鮮炸起熱辣辣，又脆卜卜，紅米飯健康又熱辣辣，仲有啲菜，真心健康又好食，喺其他菜式比較之下，比較普通。是拉差牛油醬雞翼 $48我見係openrice熱門，立即叫嚟食，單骨雞翼，超級方便食，炸到脆脆dik，入面雞肉唔會好乾，是拉差唔係好辣，啱啱好嘅辣度，牛油醬其實應該唔係牛油，冇乜牛油香味。豐盛拼盤 $88米紙卷好正，啲菜脆，加埋扎肉(?)，好有春天嘅味道，其他炸物食唔出咩味咩餡，優勝之處係夠脆，下次我會淨係叫米紙卷。