影片
更多
2018-12-18
1974 瀏覽
今晚約咗一位喺美國返嚟嘅朋友食飯我左搵右搵，搵到呢間位於中環嘅高級中菜希望佢會鍾意啦～餐廳地方唔算好大環境裝修頗舒適，餐具精緻內裡亦設有廂房，一大班朋友食飯亦冇問題「三小碟 $120/位」分別係⋯⋯⋯椒鹽田雞腿：好嫩滑，外皮薄又脆，肉汁仲喺入面麻辣海參：爽口，微辣，幾醒胃魚子醬溏心蛋：呢個生熟程度我好滿意，香濃既蛋黃汁配合微咸既魚子醬，好味「杏汁白肺湯 $120/位」聞落去已經好香杏仁味濃郁，加上白肺，好清甜菜廚師處理白肺處理得非常好食落去完全無内臟既臊臭味成個湯飲落去好滋潤又暖笠笠「古法羊腩煲 $580」係我食過既羊腩煲之中，炆得最腍最入味廚房嘅做法係厚切而唔係切粒大大片羊腩脂肪比例剛剛好，食落反而仲滋味羊腩外仲有冬菇枝竹生菜馬碲筍等材料索哂啲汁，非常好味，強烈推薦大家一試！「石窩海味撈粗麵 $320」兩個人食大概一人分到兩碗鮑汁撈麵就食得多呢個奢華版本混合左鮑魚絲，冬茹絲，魚翅口感豐富，麵質仍保留彈性鮑汁亦唔會太過濃而搶哂其他材料味道總括而言，我同朋友都認為係十分有水準嘅中菜價錢同食物質素成正比，推薦！
我左搵右搵，搵到呢間位於中環嘅高級中菜
希望佢會鍾意啦～
餐廳地方唔算好大
環境裝修頗舒適，餐具精緻
內裡亦設有廂房，一大班朋友食飯亦冇問題
「三小碟 $120/位」
分別係⋯⋯⋯
椒鹽田雞腿：好嫩滑，外皮薄又脆，肉汁仲喺入面
麻辣海參：爽口，微辣，幾醒胃
魚子醬溏心蛋：呢個生熟程度我好滿意，香濃既蛋黃汁配合微咸既魚子醬，好味
「杏汁白肺湯 $120/位」
聞落去已經好香
杏仁味濃郁，加上白肺，好清甜菜
廚師處理白肺處理得非常好
食落去完全無内臟既臊臭味
成個湯飲落去好滋潤又暖笠笠
「古法羊腩煲 $580」
係我食過既羊腩煲之中，炆得最腍最入味
廚房嘅做法係厚切而唔係切粒
大大片羊腩脂肪比例剛剛好，食落反而仲滋味
羊腩外仲有冬菇枝竹生菜馬碲筍等材料
索哂啲汁，非常好味，強烈推薦大家一試！
「石窩海味撈粗麵 $320」
兩個人食大概一人分到兩碗
鮑汁撈麵就食得多
呢個奢華版本混合左鮑魚絲，冬茹絲，魚翅
口感豐富，麵質仍保留彈性
鮑汁亦唔會太過濃而搶哂其他材料味道
總括而言，
我同朋友都認為係十分有水準嘅中菜
價錢同食物質素成正比，推薦！
張貼
