愛文生

營業中

休息中

中佬情懷總是痴😂食嘅係港式大排檔風味鑊氣。人氣。地氣今晚消費六百幾食咗四大碟嘢飲咗一支藍妹啤酒，價錢如何不過不失份量無可挑剔，但純粹單憑感覺就真係無限分。全晚最值得推介係豉椒炒蟶子， 唔好睇佢細細支食落口又爽又甜又鮮味，如果能夠再加埋涼瓜煎米底咁就真係very的good，而另外小弟覺得最romantic嘅炸大腸炸得外脆內嫩，而个甜酸汁相當到位不濃不甜不酸味道恰好，食落便自然勾起當年上海舖嘅炸大腸味道。不過避風塘虎蝦同埋小炒王就真的比較一般，先講小炒王鑊氣ok但就係唔夠惹味，避風塘虎蝦炒料夠香夠味，但蝦本身就唔夠新鮮，如果改食豉油王應該可以好接受一點。 整體今晚用膳情懷滿分，難得仍然能夠在香港食到傳統大排檔的鑊氣，小弟仍然推介大家一定要黎試下。