大川滬 (已結業)

突然想食小籠包 又唔想離開土瓜灣區的話...可以諗諗依間。小籠包係經典的南翔小籠包，皮薄，有湯汁，不過略嫌豬肉有少少冰鮮味。炒年糕還不錯，味道適中。最好食係個鍋貼，有湯汁，香口。佢有套餐可以選擇，但二人餐無小籠包，得涼菜同小菜等，所以無試到。價錢同菜單同翡翠拉麵小籠包差不多，不過質素可能翡翠會高分少少。餐廳環境都幾好，座位同餐具都幾乾淨，又唔會迫，算大間。而且店員好好笑容，keep住幫你添茶。可以一試！