米子 (裝修中)

過咗去九龍灣嗰邊做嘢，跟住就行咗去附近嘅MegaBox嗰度搵嘢食，身邊嘅朋友話想食越南嘢，所以就跟住個水牌指示走咗去米子。可能去到已經係下午茶時間，所以人唔算多，即刻有位。我哋分別嗌咗一個生牛肉湯河，同埋一個雞扒撈檬，嚟到嘅芽菜香葉份量都算幾多。生牛肉湯河啲牛肉到生生地嘅，呢方面幾好，佢嘅湯就不過不失，我都係要加魚露落去一齊食先似番啲。雞扒撈檬都係穩穩陣陣不過不失。兩碗野嘅份量都可以嘅。兩個都係下午茶餐加錢可以加多一份餸，分別叫咗一碟菜同埋一份雞腳沙律，因為係跟餐每份菜都係加多20幾蚊就有，所以對於份量方面冇期待，留意雞腳沙律真係幾辣，味道都唔錯，不過雞腳就真係真心有啲少。