Mee...lemongrass (Megabox) (已結業)

megabox餐廳近期又多左啲新嘅餐廳，經過呢一間其實同上一手好似，午餐唔貴大概70蚊加一左右，而且望落好似都幾豐富。叫咗招牌海鮮喇沙 ，喇沙都幾多料，有蛋、鮮蝦、魚蛋、蟹柳 及豆卜等。一嚟到有啲醬喺個匙羹度，可以自己按喜好落曬或者落少少，喇沙望落去湯底好似唔錯，開頭食落去味道都ok，但係佢冇乜辣味，越食越咸，其實都麻麻地蜆相對地比較腥， 而蝦都唔太新鮮，肉質較差。午餐配前菜有海草 ，海草有啲酸酸地，怪怪的。同埋嘢飲揀咗泰式奶茶，味道似港式奶茶多啲，餐仲包甜品不過係士多啤梨奶凍，見到賣相都唔係太想食。朋友叫左肉骨茶，肉骨茶味道香濃，充滿藥材味，呢個唔錯，而且份量好多。價錢黎講唔貴，不過不失。 回頭率極低。