更多
2014-07-20
1964 瀏覽
某日下午行街經過荃灣海壩街見到有間叫BEANS嘅咖啡茶室，覺得店舖的名字都幾得意，諗著都試吓啦，但當時門口已經企了好多人排隊等候入座，見到咁多人，太陽又曬著，終於冇試到，但今日終有機會試到喇，不過今次就好早到，大約早上11：30左右到達茶室，門準備開的時候，已經企了幾個人等候，好彩到我時重有位，因為店內都幾細吓，只得數張及門口有張可望著條街嘅BAR桌(只有4個位)，入座後不到12:00已經座滿客，門口又有人等位啦 睇MENU，跟餐可選3欵免費餐飮 (檸檬蜂蜜、黑糖薑母荼或普通裝美式咖啡)或可揀正價餐任減$8，睇完MENU點了 All day breakfast及忌廉汁蟹肉海鮮意粉，All day breakfast 裡揀選了Deluxe Full English Breakfast包括有：2件圓形窩夫（帶有微脆）、2件煙三文魚(冇腥味、ok)、2片煙肉 (煎得唔夠脆口、唔韌入到口)、3條豬肉腸(普通)、半個番茄(冇食)、1細兜茄汁豆(罐頭焗豆)，炒蛋(冇味 )及少許略煎過嘅茶樹菇(同樣冇味之餘帶有些草腥味)，須然呢個餐好似麻麻地，但上算ok，不過不失啦。至於忌廉汁蟹肉海鮮意粉，就
睇MENU，跟餐可選3欵免費餐飮 (檸檬蜂蜜、黑糖薑母荼或普通裝美式咖啡)或可揀正價餐任減$8，睇完MENU點了 All day breakfast及忌廉汁蟹肉海鮮意粉，All day breakfast 裡揀選了Deluxe Full English Breakfast包括有：2件圓形窩夫（帶有微脆）、2件煙三文魚(冇腥味、ok)、2片煙肉 (煎得唔夠脆口、唔韌入到口)、3條豬肉腸(普通)、半個番茄(冇食)、1細兜茄汁豆(罐頭焗豆)，炒蛋(冇味 )及少許略煎過嘅茶樹菇(同樣冇味之餘帶有些草腥味)，須然呢個餐好似麻麻地，但上算ok，不過不失啦。
至於忌廉汁蟹肉海鮮意粉，就包括有：4條蟹柳、蜆肉數粒、迷你蝦大約3隻、迷你魷魚大約5隻、加幾條茶樹菇，材料甚少，味道都調得唔錯，假若忌廉汁再杰d（唔好咁多水）及材料多些少咁就Very Good
餐飮點了黑糖薑母荼 (黑糖味搶晒薑味)及凍巧克力曲奇鐵拿，原先喺點熱飲，但嚟到變咗凍飲 （如果喺熱飲應該會好飲得多）。
埋單後，門口仍然繼續有人等 ...等 ...等 ...
題外話/補充資料：
室內最好重組桌椅擺位
(以上食評乃用戶個人意見 , 並不代表OpenRice之觀點。)
張貼
