烽築

營業中

休息中

香港仔其實唔多小食店，所以有時口痕起來想食少少嘢都幾麻辣，烽築喺小巴站附近，買完上車就剛剛好。呢度有好多小食，例如：煎釀三寶、炸雞髀、雞蛋仔、碗仔翅等等，好多港式街頭小食。今日想食煎釀三寶，$20有七件，有雲吞、青椒、紅腸、腸仔、茄子、蟹柳及魚蛋等等，揀咗青椒、雲吞茄子及魚蛋，因為紅腸、腸仔好似好細舊，所以想食但無叫，哈哈哈。始終唔係即叫即炸，雖然放喺保溫位置但都係唔夠熱，魚肉份量還好，雲吞稍微有啲油，魚蛋都算彈牙，如果可以熱少少就好啦！發現仲有生炸雞髀，下次要試。