影片
更多
2022-09-25
5751 瀏覽
一年一度德國啤酒節又到喇🔥 估唔到香港都感受到德國嘅大節日，除咗𣈱飲各款啤酒之外，仲可以食到傳統德國美食同大玩攤位遊戲，氣氛超好🍻今年已經係帝樂-德國餐廳第20年搞德國啤酒節，三間分店包括尖沙咀、銅鑼灣、赤柱都有參與，仲未有機會去德國，不如係香港感受下德國嘅熱情先啦❤️𝗕𝘂𝗯𝘂推介🔥👍 脆皮燒豬肘配酸椰菜及脆炸薯仔 𝘾𝙧𝙞𝙨𝙥 𝙍𝙤𝙖𝙨𝙩 𝙋𝙤𝙘𝙠 𝙆𝙣𝙪𝙘𝙠𝙡𝙚 𝙬𝙞𝙩𝙝 𝙎𝙖𝙪𝙚𝙧𝙠𝙧𝙖𝙪𝙩 𝙖𝙣𝙙 𝘾𝙧𝙞𝙨𝙥 𝙁𝙧𝙞𝙚𝙙 𝙋𝙤𝙩𝙖𝙩𝙤𝙨食德國菜點可以唔食豬手，上枱已經見到大大隻豬手燒得好靚，餐廳仲好貼心咁俾我哋影完相再幫我哋切。豬手外皮超脆，唔會油膩，肉質有咬口，味道都好夠，送啤酒一流！另外酸椰菜亦係德國菜嘅特色伴碟，酸酸地令成個菜式唔會味道單一。溫馨提示，豬手份量都幾大，啱晒幾個朋友一齊分享。👍 意大利布袋芝士薄餅 𝘽𝙪𝙧𝙧𝙖𝙩𝙖 𝘾𝙝𝙚𝙚𝙨𝙚 𝙁𝙡𝙖𝙢𝙢𝙠𝙪𝙘𝙝𝙚𝙣估唔到德國菜都有得食薄餅，𝙁𝙡𝙖𝙢𝙢𝙠𝙪𝙘𝙝𝙚𝙣嘅主要toppings包括酸忌廉、洋蔥、芝士。今次就揀咗意大利布袋芝士，上枱見到大大粒布袋芝士，切開軟滑嘅芝士完美融入薄餅之上，配上煙肉、洋蔥等，成個味道好有層次感。值
一年一度德國啤酒節又到喇🔥 估唔到香港都感受到德國嘅大節日，除咗𣈱飲各款啤酒之外，仲可以食到傳統德國美食同大玩攤位遊戲，氣氛超好🍻今年已經係帝樂-德國餐廳第20年搞德國啤酒節，三間分店包括尖沙咀、銅鑼灣、赤柱都有參與，仲未有機會去德國，不如係香港感受下德國嘅熱情先啦❤️
𝗕𝘂𝗯𝘂推介🔥
👍 脆皮燒豬肘配酸椰菜及脆炸薯仔 𝘾𝙧𝙞𝙨𝙥 𝙍𝙤𝙖𝙨𝙩 𝙋𝙤𝙘𝙠 𝙆𝙣𝙪𝙘𝙠𝙡𝙚 𝙬𝙞𝙩𝙝 𝙎𝙖𝙪𝙚𝙧𝙠𝙧𝙖𝙪𝙩 𝙖𝙣𝙙 𝘾𝙧𝙞𝙨𝙥 𝙁𝙧𝙞𝙚𝙙 𝙋𝙤𝙩𝙖𝙩𝙤𝙨
食德國菜點可以唔食豬手，上枱已經見到大大隻豬手燒得好靚，餐廳仲好貼心咁俾我哋影完相再幫我哋切。豬手外皮超脆，唔會油膩，肉質有咬口，味道都好夠，送啤酒一流！另外酸椰菜亦係德國菜嘅特色伴碟，酸酸地令成個菜式唔會味道單一。溫馨提示，豬手份量都幾大，啱晒幾個朋友一齊分享。
👍 意大利布袋芝士薄餅 𝘽𝙪𝙧𝙧𝙖𝙩𝙖 𝘾𝙝𝙚𝙚𝙨𝙚 𝙁𝙡𝙖𝙢𝙢𝙠𝙪𝙘𝙝𝙚𝙣
估唔到德國菜都有得食薄餅，𝙁𝙡𝙖𝙢𝙢𝙠𝙪𝙘𝙝𝙚𝙣嘅主要toppings包括酸忌廉、洋蔥、芝士。今次就揀咗意大利布袋芝士，上枱見到大大粒布袋芝士，切開軟滑嘅芝士完美融入薄餅之上，配上煙肉、洋蔥等，成個味道好有層次感。值得一讚餅底都好軟熟，同樣地薄餅份量都唔少，好大個😮
👍 德國風乾火腿芝士筒 𝙆𝙞𝙣𝙜 𝙇𝙪𝙙𝙬𝙞𝙜 "𝘽𝙧𝙤𝙩𝙯𝙚𝙞𝙩" 𝙋𝙡𝙖𝙩𝙩𝙚𝙧 𝙞𝙣 𝘾𝙤𝙧𝙣 (𝘽𝙡𝙖𝙘𝙠 𝙁𝙤𝙧𝙚𝙨𝙩 𝙃𝙖𝙢, 𝙋𝙤𝙧𝙠 𝘽𝙚𝙡𝙡𝙮, 𝙇𝙞𝙫𝙚𝙧 𝙋𝙖𝙩𝙚 𝙖𝙣𝙙 𝘾𝙝𝙚𝙚𝙨𝙚)
打卡必食😈 德國火腿出名大家都知，呢一個風乾火腿芝士筒就可以試晒咁多種火腿同其他特色小食。特別推介𝘽𝙡𝙖𝙘𝙠 𝙁𝙤𝙧𝙚𝙨𝙩 𝙃𝙖𝙢，薄薄一塊已經好夠味，無論配上芝士定係啤酒都係一種享受。
除咗飲食之外，餐廳仲準備咗一系列攤位遊戲可以同朋友一齊參加。如果自問夠大隻嘅話，不妨參加埋特定日子舉辦嘅舉啤酒大賽，最快會係10月1號赤柱帝樂餐廳舉行‼️個個都參加者到施展渾身解數，要贏都唔容易㗎🤭
📍帝樂 - 德國餐廳
尖沙咀彌敦道132號美麗華廣場一期3樓302號舖
其他分店：
* 赤柱美利樓2樓202號舖
* 銅鑼灣京士頓街8號Fashion Walk新豪大廈地下A及C號舖
張貼
