影片
更多
2021-06-27
2203 瀏覽
六月份嚟到我嘅生日月，朋友都好有心同我慶生🥰。佢專登揀咗我想食好耐嘅扒房同我食，呢間餐廳就係位於紅磡嘉里酒店嘅「bong」。佢有兩個入口，分別係經美食廣場室內進入，又或者上樓梯後轉右邊沿住外圍直行。餐廳環境唔錯，雖則樓層位置唔高，但都可以望到紅磡碼頭對出嘅海景，當然亦不乏黃埔樓景🌃。餐枱擺放嘅距離唔密集，食客坐落有空間感，整體氣氛令人好放鬆，一啲都唔拘謹。呢度嘅餐牌並唔複雜，拜訪得呢度九成都係食熟成牛扒㗎啦😜。單點一件扒要$500以上，反觀晚餐價人均$7XX就多幾樣菜式，感覺比較完整，兼且繽紛啲🍽。因此，我哋叫咗Set Dinner for 2，承惠$1428。由於牛扒係主角🥩，所以我決定先介紹主菜，然後再分享其他菜式。Dry-aged乾式熟成牛扒係指將牛扒放喺溫度、相對濕度以及空氣對流都受到嚴格監控嘅熟成室進行熟成，當中需要硬件嘅配合以及耗時。bong自設工場，牛扒嘅風乾程序時間比其他餐廳更長，平均需時80日或以上，實際則視乎牛肉本身嘅脂肪分佈而訂。考慮到呢個長時間嘅熟成計劃，定價實屬合理，畢竟花上大量心機同時間啊。House Dry-aged Ribeye Steak (250g)
六月份嚟到我嘅生日月，朋友都好有心同我慶生🥰。佢專登揀咗我想食好耐嘅扒房同我食，呢間餐廳就係位於紅磡嘉里酒店嘅「bong」。佢有兩個入口，分別係經美食廣場室內進入，又或者上樓梯後轉右邊沿住外圍直行。
餐廳環境唔錯，雖則樓層位置唔高，但都可以望到紅磡碼頭對出嘅海景，當然亦不乏黃埔樓景🌃。餐枱擺放嘅距離唔密集，食客坐落有空間感，整體氣氛令人好放鬆，一啲都唔拘謹。
呢度嘅餐牌並唔複雜，拜訪得呢度九成都係食熟成牛扒㗎啦😜。單點一件扒要$500以上，反觀晚餐價人均$7XX就多幾樣菜式，感覺比較完整，兼且繽紛啲🍽。因此，我哋叫咗Set Dinner for 2，承惠$1428。
由於牛扒係主角🥩，所以我決定先介紹主菜，然後再分享其他菜式。Dry-aged乾式熟成牛扒係指將牛扒放喺溫度、相對濕度以及空氣對流都受到嚴格監控嘅熟成室進行熟成，當中需要硬件嘅配合以及耗時。bong自設工場，牛扒嘅風乾程序時間比其他餐廳更長，平均需時80日或以上，實際則視乎牛肉本身嘅脂肪分佈而訂。考慮到呢個長時間嘅熟成計劃，定價實屬合理，畢竟花上大量心機同時間啊。
House Dry-aged Ribeye Steak
28 瀏覽
0 讚好
0 留言
House Dry-aged Sirloin Steak
18 瀏覽
0 讚好
0 留言
我上網參考咗唔少資料📃，大概歸納以下兩點解釋熟成點樣令牛扒昇華。喺熟成嘅過程中，能逼走牛肉多餘嘅水份，令到肉汁更為濃縮鎖住喺肉入面。同時，發酵亦能分解肌肉纖維，令肉質變得軟嫩。呢兩點正好反映咗喺呢兩件牛扒身上！
餐廳另外會隨牛扒奉上調味料同醬汁，總共有六款，包括三色鹽、黑椒燒汁、芥辣同埋醃漬。其實我就無乜沾佢哋嚟食，因為塊扒本身已經好夠味😉。之後我再會逐一講吓前菜部份。
Smoked Salmon Salad with Wasabi Mayonnaise Dressing
10 瀏覽
0 讚好
0 留言
House Dry-aged Beef Carpaccio with Sesame Dressing，原來前菜係一人一份，店員超好人問我哋想唔想食另一款，我哋當然話好啦🙏🏻。呢個Carpaccio生牛肉片並唔係鮮紅色嗰種，相反佢係偏熟，卷狀中間就包住啲菜。但我略嫌呢道菜嘅調味較重，稍為蓋過咗牛肉嘅原味。
Wild Mushroom Cream Soup with Truffle Oil，🍄蘑菇湯好濃味，飲得出係用上好多菇菌打溶製成，佢唔重忌廉味，所以飲落無咁膩。另外，佢面層望落油油哋，但其實係因為落咗松露油。
Handmade Dinner Roll，🥖餐包係餐廳自家烘焙，不過佢就相對其他菜式無咁特別，屬正正常常水平啦。
Today’s Dessert是日甜品係Tiramisu☕️，實在太好喇，因為佢係我最鍾意食嘅甜品，沒有之一。可能由於呢度係意大利餐廳，所以佢嘅提拉米蘇真係整得好出色🤤。Tiramisu濕潤度高、芝士軟滑、咖啡同酒嘅比例得宜，上面再搭多條手指餅，兩個字講哂：好食。份量而言，佢比較的骰，但作為飯後甜品都夠嘅。
Tiramisu
18 瀏覽
0 讚好
0 留言
飲品方面，我哋嗌咗兩杯無酒精嘅Mocktail($78)🍹，分別係Peach & Lychee Bubble同埋Lemon Lime Bitter，飲品造型比較平實。個人鍾意檸檬嗰杯多啲🍋，皆因味道較為清新，讓人提提神。🍑桃嗰杯嘅荔枝味好出，我自己就麻麻哋。
套餐有包正常餐飲，我哋要咗Peppermint Tea同Hot Americano，飲埋佢哋就為呢餐正式作結🍵。
總括嚟講，呢晚我享受咗一個不能要求更多嘅熟成牛扒生日晚餐，生日食好啲是常識吧😋。Bong嘅牛扒果然係名不虛傳，🐮嗜牛者點都要嚟食一次呢！
張貼
