影片
更多
2018-11-27
433 瀏覽
難得出旺角上堂，想揾間平時少食到嘅餐廳，就去瓊華食炑八。第一次食炑八，以為得韓燒食，原來午餐有Lunch set，價錢係旺角嚟講算經濟，$40-80左右，一個主食+湯，冇飲品。平日完全唔駛等位就入得，我地唔係食韓燒都係坐有煙通嘅枱，比煙通檔住，唔係太方便傾計加上成個場燈光比較暗非韓燒Lunch set大約有12款，有蛋包飯、拌飯、煲、連人參雞都有！飲品要另加$8，都係soda/普通飲品，唔係好抵咁，我地都係飲返海帶湯就夠一坐低就送上泡菜同豆芽一份，泡菜酸爽開胃，豆芽比較淡味，仲可以免費再添跟餐海帶雜菜湯幾足料，有唔少蘿蔔、洋蔥同海帶，味道清甜，飲完都冇囗渴餐單上蛋包飯嘅相好吸引，估唔到實物係一樣蛋非常滑溜，入面係蕃茄炒飯底，加埋一齊食，酸酸甜甜又滑。另外雞扒偏鹹一啲，略嫌上面嘅醬汁重囗味，雞扒較薄，少咗啲囗感。伴碟嘅沙律係芝麻醬沙律，菜都好新鮮，解膩就最啱只係$42好抵！同事想食牛肉，嗌咗牛肋骨煲，一鍋都有5-6件牛肋骨，另有紅蘿蔔等配料。牛肉炆到好腍，唔驚難咬開，肉味香濃又唔多肥膏紫菜飯就正常普通，只有好少紫菜放係飯上面，冇其他飯素，比較dry。加$18可以轉蟹膏醬拌飯，但原價都要$
平日完全唔駛等位就入得，我地唔係食韓燒都係坐有煙通嘅枱，比煙通檔住，唔係太方便傾計加上成個場燈光比較暗
非韓燒Lunch set大約有12款，有蛋包飯、拌飯、煲、連人參雞都有！飲品要另加$8，都係soda/普通飲品，唔係好抵咁，我地都係飲返海帶湯就夠
一坐低就送上泡菜同豆芽一份，泡菜酸爽開胃，豆芽比較淡味，仲可以免費再添
海帶雜菜湯
29 瀏覽
0 讚好
0 留言
跟餐海帶雜菜湯幾足料，有唔少蘿蔔、洋蔥同海帶，味道清甜，飲完都冇囗渴
雞扒蛋包飯
$42
17 瀏覽
0 讚好
0 留言
餐單上蛋包飯嘅相好吸引，估唔到實物係一樣蛋非常滑溜，入面係蕃茄炒飯底，加埋一齊食，酸酸甜甜又滑。另外雞扒偏鹹一啲，略嫌上面嘅醬汁重囗味，雞扒較薄，少咗啲囗感。伴碟嘅沙律係芝麻醬沙律，菜都好新鮮，解膩就最啱只係$42好抵！
牛肋骨煲
$68
30 瀏覽
0 讚好
0 留言
同事想食牛肉，嗌咗牛肋骨煲，一鍋都有5-6件牛肋骨，另有紅蘿蔔等配料。牛肉炆到好腍，唔驚難咬開，肉味香濃又唔多肥膏紫菜飯就正常普通，只有好少紫菜放係飯上面，冇其他飯素，比較dry。加$18可以轉蟹膏醬拌飯，但原價都要$68，加埋就過$80，所以都係食紫菜飯抵啲
Lunch冇加一服務費，兩個人夾埋先$110，性價比高，之後午餐又多一個選擇
張貼
