Artisan Garden Cafe (已結業) 查看

難得有個long weekend，好想搵一間Cafe靜靜地咁放空一下，逃離城市的煩囂。聽聞西環有好多高質素嘅Cafe，於是我地就出發去到西營盤尋找隱世嘅美食。餐廳位於香港大學站附近，一路上斜行十分鐘左右，就在轉角嘅小巷裏面。餐廳嘅裝修好vintage，有好多有品味嘅小擺設，睇得出店主嘅心思🥰男朋友揀咗佢最鍾意嘅all day breakfast 非常有驚喜!! 炒蛋炒得好滑好出色，伴碟嘅什菌好香好好味，仲有窩夫都好唔錯，外脆內軟😋另外嗌咗個steak sandwich，餡料豐富，牛扒煎到剛剛好。美中不足嘅地方係麥包烘得太脆，食落有點硬。仲有呢杯Flat white，從來未試過用印花圖案嘅陶瓷杯飲咖啡，好靚好精緻。