影片
更多
2021-04-11
1433 瀏覽
2021年4月4日。雨。上環。呢日雖然天雨濛濛，但咁嘅天氣去呢間法式餐廳反而充滿情調～聽朋友介紹先識呢間新開嘅法國餐廳～餐廳個名係「Valley」咁解，幾符合佢隱蔽嘅位置！上環站行上去嘅話五分鐘左右餐廳新開，而家係試業期間，只有晚市，留意番～訂咗位，所以坐咗門口側邊嘅檯，檯面有樽好靚嘅花～感覺非常浪漫～另外試業期間餐廳offer tasting menu，對於有選擇困難症嘅我哋係個佳訊～唔使揀，唔使諗，嚟到坐定定等候餵食便可～餐廳座位唔算多，所以最好先訂位！門口側邊幅牆都好有意境，成幅畫咁～以我有限嘅法文無法解讀呢句法文，之後問番老闆先知係「Do what you love」咁解～成件事係咪又加咗啲法國氣息呢？Miso corn velouté, sago and baby corn店員喺上每一道菜嘅時候都會介紹番個菜嘅材料同做法，服務好高質！第一道菜呢個粟米湯已經令我好驚艷！粟米嘅甜味同味噌好夾，湯面擺咗略微燒過嘅粟米芯，入面仲有西米，令口感更豐富！Potato galette飲緊湯嘅時候就上咗第二道菜個底係薯餅嚟嘅，炸得好香脆！上面有一層sour cream，最上面就有洋蔥同炸白飯
呢日雖然天雨濛濛，但咁嘅天氣去呢間法式餐廳反而充滿情調～
聽朋友介紹先識呢間新開嘅法國餐廳～
餐廳個名係「Valley」咁解，幾符合佢隱蔽嘅位置！
上環站行上去嘅話五分鐘左右餐廳新開，而家係試業期間，只有晚市，留意番～
訂咗位，所以坐咗門口側邊嘅檯，檯面有樽好靚嘅花～感覺非常浪漫～
另外試業期間餐廳offer tasting menu，對於有選擇困難症嘅我哋係個佳訊～
唔使揀，唔使諗，嚟到坐定定等候餵食便可～
餐廳座位唔算多，所以最好先訂位！
門口側邊幅牆都好有意境，成幅畫咁～以我有限嘅法文無法解讀呢句法文，之後問番老闆先知係「Do what you love」咁解～
成件事係咪又加咗啲法國氣息呢？
Miso corn velouté, sago and baby corn
15 瀏覽
0 讚好
0 留言
店員喺上每一道菜嘅時候都會介紹番個菜嘅材料同做法，服務好高質！
第一道菜呢個粟米湯已經令我好驚艷！
粟米嘅甜味同味噌好夾，湯面擺咗略微燒過嘅粟米芯，入面仲有西米，令口感更豐富！
Potato galette
17 瀏覽
0 讚好
0 留言
飲緊湯嘅時候就上咗第二道菜
個底係薯餅嚟嘅，炸得好香脆！
上面有一層sour cream，最上面就有洋蔥同炸白飯魚～
就咁食非常香口，又可以沾個湯嚟食，兩個食法都好味～
Sourdough bread with tofu mousse
16 瀏覽
0 讚好
0 留言
Sourdough bread喺香港唔算太常見，但近年都幾流行
個包帶有少少sourdough獨有嘅酸味，外脆內軟！
個豆腐mousse軟綿綿，雅淡嘅cream口感同個包好襯
Local squid with cauliflower
12 瀏覽
0 讚好
0 留言
呢道菜個賣相好有驚喜！
但更加有驚喜嘅係個味道！
首先魷魚係每日新鮮採購嘅本地食材，擺面嘅係酥炸魷魚鬚，非常crunchy
跟住就係切到好薄片嘅爽脆椰菜花，原來係沙律嚟！撈咗啲醋，帶少少酸味，第一次食椰菜花沙律，先知道佢係咁適合做沙律！！
再下一層係炙燒魷魚，同平時食壽司嘅味道唔同，可能係呢個魷魚較厚，食落一啲都唔韌，仲好creamy添，鮮味十足～
最底仲有一個用sour cream調製而成嘅醬汁，同魷魚意想不到地夾！
成個菜式嘅組合都好新穎！
Taro gnocchi, sauce coconut with preserved duck
8 瀏覽
0 讚好
0 留言
跟住呢道菜更加充滿驚喜！
竟然係荔芋油鴨風味嘅fusion菜！
本身我係有啲驚嘅，因為我係唔食油鴨嘅，但原來油鴨係融入咗個醬汁度，變成一個椰汁油鴨汁，咁又容易接受好多喎！
油鴨嘅味道淡咗，襯番椰汁濃郁嘅香味～
而平時用薯仔整嘅gnocchi，就變咗用芋頭做材料，口感會比薯仔gnocchi冇咁煙韌，有啲似芋圓嘅感覺，同個汁一齊食真係好有荔芋油鴨煲仔飯風味，好得意！
Fish of the day
$150
10 瀏覽
0 讚好
0 留言
Tasting menu每日都有個精選魚類菜式，呢日嘅魚就係馬友
法國菜嘅海鮮菜式好似都比較出色，所以我哋都決定加錢嗌嚟試下～
馬友當然係呢道菜嘅主角，外脆內軟，肉質軟滑嘅程度超乎我想像！
側邊嘅配菜都好出色，准山軟糯～
而經過火炙之後嘅百合，啲甜味出晒嚟！
個汁用咗魷魚乾調製，好特別！
Wagyu strip loin steak, sauce béarnaise with water bamboo
7 瀏覽
0 讚好
0 留言
呢道菜係澳洲和牛，肉質鮮嫩，唔會有我好驚嘅牛羶味！
個汁係用咗枸杞葉做材料整成，微微酸，可以平衡下牛肉嘅油膩～
另一重點係個茭白筍！
本身睇個menu，見到寫住water bamboo，諗咗好耐都唔知係咩，然後店員介紹先知原來係茭白筍～～
係未食過嘅食材！
台灣非常普遍，但香港就好少見，一試便愛上！
爽口又鮮甜～
Salt baked pineapple, soy milk pastry cream, pineapple carpaccio
2 瀏覽
0 讚好
0 留言
呢個甜品用咗時令嘅台灣金鑽鳳梨製成
用咗2種「煮法」，兩塊脆片中間嘅鳳梨用咗鹽焗方法製作，同鳳梨乾有啲異曲同工之妙！不過加咗鹽味，令個甜味更突出！
另外嘅鳳梨就整成個醬，店員介紹嘅時候話個醬會好似食puff入面嗰啲醬咁
食一啖之後，個簡直就係一模一樣！！
就係咁creamy，而且鳳梨香味濃郁！超級好味！
期待下次再去嘅新菜式～～
張貼
