Hidden Table

營業中

休息中

作為每個月都會食一次燒賣嘅食家，當然知道呢間紅磡嘅hidden table 喇！店鋪主打新派fusion燒賣，口味相當吸引，呢度嘅燒賣粒粒皮簿飽滿，價錢唔算平但值得一試。我嘅至愛就係呢個🤍《奶油麻辣魚肉燒賣》 麻辣味出眾，而奶油剛好中和咗佢嘅麻辣，食落辣得唔辛苦，而係越食越開胃。同場仲叫咗🤍《秘製豬肉燒賣》 ，食得出秘製醬係麻醬底 ，燒賣灑上避風塘蒜粒，出奇地夾，鍾意濃味嘅要試。🤍《泰式干蒸牛肉燒賣》既泰式即係用咗甜酸醬，而牛肉本身比魚肉更彈牙，係另一番滋味。最後仲叫咗🤍《麻辣避風塘魷魚圈》 ，呢個用咗蒜、蔥加上秘制辣椒粉炸成， 等候需時，但就可以食到新鮮炸起、惹味嘅魷魚圈。食到口渴，叫咗《有汽香水檸檬鐵觀音》，我超級超級鍾意🤍🤍🤍，希望原箱買埋返屋企嘅程度，少甜、解渴、爽、香。