影片
更多
2016-06-15
544 瀏覽
上個星期以前係澳洲讀書識嘅朋友仔返咗嚟香港，約咗我哋幾個好耐冇見嘅朋友仔食飯，我哋一行四人，咁就梗係睇下有啲咩好嘢食俾呢個好耐無返過香港嘅番書仔食下啦！大家都知我不嬲都鍾意打邊爐，又鍾意食雞煲, 老朋友介紹左我來依家打邊爐嘅好地方。一坐低，由於我遲到嘅關係，朋友仔已經叫好嘢食等我啦一黎梗係食個雞煲先啦，個雞煲啲汁都幾濃，好惹味吓。間餐廳都放左幾多辣椒落去，所以食落都有啲麻辣嘅感覺，如果唔係好食得辣嘅朋友，可能要叫間餐廳落少兩隻辣椒，哈哈！除咗辣之外，個雞煲其實都有啲酒香，我估可能都落咗小小紹興酒吊一吊個味！唔錯！食雞煲個靈魂當然係隻雞度啦，除咗雞有雞味之外，呢隻雞都算多肉，又唔多碎骨，啱晒我哋呢啲狼吞虎嚥嘅男仔！食完雞煲辣辣地，即刻叫番罐咸檸七爽丫丫先！跟住就梗係繼續打邊爐啦！朋友仔order左我都我嘅至愛，食肉獸是也，包括新鮮嘅牛頸脊，豬頸肉等等。啲牛頸脊切得好薄，啲紋都好靚，好嫩囗！啲豬頸肉就好厚切，好滑，仲有少少麻油嘅味道！跟住不得不同大家介紹幾款特色嘅火鍋料。首先係個哈哈蝦中寶，呢個蝦丸，真係非一般嘅蝦丸，因為佢除咗有蟹子係面之外，佢入面係有一隻原蝦！所以比一般蝦丸彈牙！跟住另
大家都知我不嬲都鍾意打邊爐，又鍾意食雞煲, 老朋友
介紹左我來依家打邊爐嘅好地方。
一坐低，由於我遲到嘅關係，朋友仔已經叫好嘢食等我啦
一黎梗係食個雞煲先啦，個雞煲啲汁都幾濃，好惹味吓。間餐廳都放左幾多辣椒落去，所以食落都有啲麻辣嘅感覺，如果唔係好食得辣嘅朋友，可能要叫間餐廳落少兩隻辣椒，哈哈！除咗辣之外，個雞煲其實都有啲酒香，我估可能都落咗小小紹興酒吊一吊個味！唔錯！
食雞煲個靈魂當然係隻雞度啦，除咗雞有雞味之外，呢隻雞都算多肉，又唔多碎骨，啱晒我哋呢啲狼吞虎嚥嘅男仔！
食完雞煲辣辣地，即刻叫番罐咸檸七爽丫丫先！
跟住就梗係繼續打邊爐啦！朋友仔order左我都我嘅至愛，食肉獸是也，包括新鮮嘅牛頸脊，豬頸肉等等。啲牛頸脊切得好薄，啲紋都好靚，好嫩囗！啲豬頸肉就好厚切，好滑，仲有少少麻油嘅味道！
跟住不得不同大家介紹幾款特色嘅火鍋料。首先係個哈哈蝦中寶，呢個蝦丸，真係非一般嘅蝦丸，因為佢除咗有蟹子係面之外，佢入面係有一隻原蝦！所以比一般蝦丸彈牙！
跟住另一樣好出色嘅就係個竹笙墨魚滑！第一次食竹笙包住既墨魚滑，感覺好爽口，啲墨魚滑又不會太多粉。仲有另一樣我覺得都幾驚喜嘅就係個wasabi墨魚丸！啲wasabi真係爆晒槳！
其實呢家米走雞啲丸類都好唔錯吓，應該全部都係手打嘅，大家下次嚟食記住叫個五寶丸食下啦！
張貼
