影片
更多
2018-12-05
234 瀏覽
假日喺屯市陪屋企人行街，想食日本嘢，但未出糧要慳慳地，就諗起定食8~市中心外牆已經有大大個廣告牌，間唔中都見到宣傳，但未試過。假日12:30去到等5分鐘就入得，放假最怕食飯要等位餐廳日式格局配柔和燈光，枱與枱之間有小屏風遮下，感覺私隱度好啲。但場內枱櫈都頗為密集，如果多人就唔建議食，會好難揾到位同唔方便傾計。賣點之一應該係無限量供應：椰菜絲、白飯同味噌湯。入到店內見到有兩個自助區，都幾方便~椰菜絲可以自己加沙律醬汁，椰菜絲比較乾身，加埋醬都覺得乾，可能放得比較耐冇咁新鮮。有我最喜歡嘅味噌湯自己「筆」湯就可以揀多啲豆腐同蘿蔔有半碗都係湯料~好滿足。只係可惜冇海帶，原本海帶係可以自己加嘅，但睇咗兩次都冇補給。味道同其他餐廳差不多，鹹香得嚟好開胃，配埋滑溜嘅豆腐，好好味蘿蔔都煮到好淋身同入味餐廳名叫定食「8」，原來同價錢有關，定食價錢都係8字尾：48/58/68/78。食物款式唔多，個價錢以日本餐嚟講算平價~溶岩芝士豬扒個名好吸引，見唔少枱食客都點依個餐。豬扒有一個碗面咁大，已經切開4件方便進食原來溶岩芝士係夾喺兩片薄豬扒之間，再拎去炸成一塊。芝士份量唔多，只有微弱芝士味滲出，同預期中嘅「溶
餐廳日式格局配柔和燈光，枱與枱之間有小屏風遮下，感覺私隱度好啲。但場內枱櫈都頗為密集，如果多人就唔建議食，會好難揾到位同唔方便傾計。
賣點之一應該係無限量供應：椰菜絲、白飯同味噌湯。入到店內見到有兩個自助區，都幾方便~
椰菜絲可以自己加沙律醬汁，椰菜絲比較乾身，加埋醬都覺得乾，可能放得比較耐冇咁新鮮。
有我最喜歡嘅味噌湯自己「筆」湯就可以揀多啲豆腐同蘿蔔有半碗都係湯料~好滿足。只係可惜冇海帶，原本海帶係可以自己加嘅，但睇咗兩次都冇補給。味道同其他餐廳差不多，鹹香得嚟好開胃，配埋滑溜嘅豆腐，好好味蘿蔔都煮到好淋身同入味
餐廳名叫定食「8」，原來同價錢有關，定食價錢都係8字尾：48/58/68/78。
食物款式唔多，個價錢以日本餐嚟講算平價~
溶岩芝士豬排
$48
12 瀏覽
0 讚好
0 留言
溶岩芝士豬扒個名好吸引，見唔少枱食客都點依個餐。豬扒有一個碗面咁大，已經切開4件方便進食原來溶岩芝士係夾喺兩片薄豬扒之間，再拎去炸成一塊。芝士份量唔多，只有微弱芝士味滲出，同預期中嘅「溶岩」有出入。豬扒薄身偏乾，加埋炸過變得粗嚡。
豬扒下面鋪咗一層椰菜絲，除咗豬扒面個少少汁之外，冇任何其他醬汁喇最後去自助區拎咗啲沙律汁加埋先好少少……整體味道中下，囗感太乾。
其餘前菜中華沙律正常入貨質素，冇草腥味，爽甜開胃。另外有一粒泡芙做甜品，軟軟嘅皮裏面係雲呢拿雪糕。可能放得耐咗，入口時雪糕已經半融似忌廉，不過冇咁凍都幾好食
玫瑰鹽牛排烏冬
$63
23 瀏覽
0 讚好
0 留言
玫瑰鹽牛排烏冬賣相豐富，牛排切成細片，燒到牛扒邊半焦香，入口時陣陣牛味傳出，肉質比較厚實，近乎冇肥膏位，加埋少少淡粉紅色嘅玫瑰鹽一齊食，有嚼勁得黎幾惹味烏冬另上，冇同牛扒放喺同一碗麵上，避免湯底將牛味沖淡。烏冬配料有粟米、海帶、蔥同流心蛋半隻。湯底十分清淡，只有淡淡嘅海帶味，烏冬彈牙滑溜，配埋冇乜味嘅粟米同海帶，略嫌淡而無味。流心蛋好成功，蛋黃半熟狀態，非常滑溜
炸蔬菜餅
$5
16 瀏覽
0 讚好
0 留言
限定優惠$5加配一塊炸蔬菜薯餅，外層炸粉香脆，裏面薯蓉軟滑，加埋少少雜菜粒，質感夾雜，味道香口唔錯
整體食物味道一般，冇驚喜位，似連鎖式餐廳質素。以價錢嚟講，尚算經濟。
張貼
