彩福國宴 (已結業) 查看

今日同屋企人慶祝生日，我負責訂枱搵食。為咗符合大家口味，最後都係決定搵間酒樓食晚飯。之前經過彩福見到都有好多特色小菜選擇，就揀咗呢間。片皮鴨二食大家見到都話想食，而且可一鴨兩食，都值得一試。第二食我地揀咗用涼瓜炆，都好大碟，又好食。酒香腰蝦蒸蛋有淡淡酒香嘅蒸蛋，幾特別。蒸蛋十分嫩滑！懷舊金獎叉燒燒得好香，特別係少少燶果d位好正，肥瘦肉比例正合我心意啫啫蝦干通菜梗原來真係得梗無葉，第一次食呢個菜式。個汁同蝦干好香好惹味，通菜梗幾爽口。秘製無錫骨煲份量都幾足，酸酸甜甜又啖啖肉，屋企人個個都讚好食！