名館 (黃埔天地) (已結業)

今日星期六，兩口子想食好嘢，突然諗起黃埔美食坊入邊嘅名館，反正未夠六點半，唔需要排隊。今日叫咗三個菜。👍🏻手打魚蛋泡米線：手打魚蛋彈牙爽滑，一啲都冇腥味，魚湯香濃帶有胡椒味，食晒米線之餘我哋連湯都飲晒，一滴不留。👍🏻濃湯鹹豬骨奶白菜：豬骨鹹香味好正，濃湯配白菜雲耳唔錯。👍🏻水蜜桃咕嚕肉：細細碟，一夠多餘嘅嘢都冇，咕嚕肉件件都係肉，不是肥肉，味道剛剛好。雖然樣樣細細碟，但絕對有驚喜，我一定會再嚟。