Bistro East

營業中

休息中

假日特登帶咗狗狗嚟到西灣河海旁散步。鯉景灣呢邊有好多餐廳，於是我哋盲舂舂咁樣入咗嚟呢間餐廳。見到佢weekend都有lunch set，價錢亦唔算太貴，好適合一個人，望住過海旁chill下。今次我叫咗個西冷牛扒配薯條，另外佢仲配埋個沙律。沙律個味道中規中矩。個牛扒煮得啱啱好。而且佢唔算太肥，所以咬落去口感好好。佢仲配埋唔同嘅醬汁俾你，我最鍾意都係佢個芥末醬，夾埋個牛扒嚟食，可以中和返佢個油膩。順帶一提，有狗狗嘅朋友仔可以試吓嚟呢間餐廳。佢哋嘅員工相信都係愛狗之人，見到我隻狗狗都好主動會關心佢會唔會太熱。而且仲會主動比零食佢食。