影片
更多
2024-03-11
546 瀏覽
#chuchu食在銅鑼灣📍 爆爆鍋牛大人副線！一直都好想試，約到住銅鑼灣嘅朋友一齊去，超方便係銅鑼灣廣場，一出地鐵站就係！呢間就係一人一鍋嗰種bino，幾唔錯，可以揀自己鐘意嘅set唔夠飽仲可以去自助區任夾蔬菜！💡 用餐時間90分鐘，絕對夠時間！—————————————————————❣️ 綜合海鮮拼盤套餐 $148🐷朋友唔食牛所以就揀咗海鮮set，有厚切的鯛魚片、海蝦、魷魚片及大花甲! 超大份，全部都好新鮮！仲有嗌set就會有肉丸、蔬菜、芋頭、花甲、豆腐、響鈴、蟹柳、蕃茄拼盤，再加一份主食，可以揀新竹米粉或者飯！.🍲夜市養生排骨鍋 +$20朋友超鐘意，因為佢係藥膳味，加左幾次湯之後🐷試左一啖都幾好，唔算話超誇張（因為本身唔鍾意藥膳🤣）排骨肉好淋，一咬就脫骨！.🧋真心橙意翡翠 +$14橙汁加椰果，都幾特別，水果味fresh fresh，解下膩！.❣️ SRF極黑牛前肩肉套餐 $168SRF牛顏色好靚，脂肪含量唔高，如果keep fit又想打邊爐呢款牛好唔錯，淥十秒就可以食，肉味都濃，咬落冇乜脂肪所以唔會入口即融嗰種，但都好好味！仲有套餐嗰個拼盤，食晒都已經飽曬🤣.🍲爆炒櫻花蝦鮮鍋 +$
📍 爆爆鍋
牛大人副線！一直都好想試，約到住銅鑼灣嘅朋友一齊去，超方便係銅鑼灣廣場，一出地鐵站就係！呢間就係一人一鍋嗰種bino，幾唔錯，可以揀自己鐘意嘅set
唔夠飽仲可以去自助區任夾蔬菜！
💡 用餐時間90分鐘，絕對夠時間！
—————————————————————
❣️ 綜合海鮮拼盤套餐 $148
🐷朋友唔食牛所以就揀咗海鮮set，有厚切的鯛魚片、海蝦、魷魚片及大花甲! 超大份，全部都好新鮮！
仲有嗌set就會有肉丸、蔬菜、芋頭、花甲、豆腐、響鈴、蟹柳、蕃茄拼盤，再加一份主食，可以揀新竹米粉或者飯！
.
🍲夜市養生排骨鍋 +$20
朋友超鐘意，因為佢係藥膳味，加左幾次湯之後🐷試左一啖都幾好，唔算話超誇張（因為本身唔鍾意藥膳🤣）排骨肉好淋，一咬就脫骨！
.
🧋真心橙意翡翠 +$14
橙汁加椰果，都幾特別，水果味fresh fresh，解下膩！
.
❣️ SRF極黑牛前肩肉套餐 $168
SRF牛顏色好靚，脂肪含量唔高，如果keep fit又想打邊爐呢款牛好唔錯，淥十秒就可以食，肉味都濃，咬落冇乜脂肪所以唔會入口即融嗰種，但都好好味！仲有套餐嗰個拼盤，食晒都已經飽曬🤣
.
🍲爆炒櫻花蝦鮮鍋 +$12
另款湯底超特別，店員會係面前爆香薑蔥，炒下櫻花蝦，蝦油出曬嚟，一路炒都勁香，之後再加水打邊爐，唔錯唔會太油太咸！
.
🧋珍珠翡翠檸檬 +$14
檸檬溝茶加珍珠，酸酸甜甜，好開胃，加埋啲珍珠好開胃！
.
❣️ 懷念鹽酥雞 +$22
追加小食1，啱啱去完台灣係同台灣嘅鹽酥雞一樣！細細份六七件，止下口癮，外面炸到脆卜卜，入面內好嫩滑
.
❣️ 夜市炸魷魚 +$28
追加小食2，都係鹽酥雞嘅炸皮，魷魚好彈牙！有驚喜！
.
❣️ 招牌麻油炸蛋 $15
貪得意嗌左粒「炸彈」！超驚喜！放入湯到滾兩下就食得，一吉開啲蛋漿爆曬出嚟，撈米粉蘸牛肉食都好正！
.
💬食晒啲嘢仲有一人一條雪條，好似賺左咁！滿足！
—————————————————————
不專業評分
👅好味指數: 8/10
💰性價比: 9/10
👍🏻推薦:8.5/10
—————————————————————
🏡地址: 爆爆鍋 (銅鑼灣) @baopot.hk
銅鑼灣軒尼詩道489號銅鑼灣廣場一期1樓109號舖
🕑營業時間: 12:00-22:00
—————————————————————
#chuchu打邊爐 #chuchu食台灣野
———————————————————
張貼
