影片
更多
2022-11-05
2571 瀏覽
疫情下好多老牌餐廳都捱唔住腳😢，前排聽聞位於沙田嘅龍華酒店有機會要倒閉，所以即刻捉緊機會到訪一下，感受下以前嘅傳統味道。🌕龍華脆皮燒乳鴿（頂鴿） $98/隻母親大人成日都掛住龍華乳鴿係嘴邊，話原隻上自己手撕拆件最滋味，仲指明自己要獨佔一整隻，所以一行九人就已經叫左5️⃣隻。乳鴿上枱時熱辣辣，撕開鴿腿時見到有好多肉汁，係真正嘅皮脆肉嫩，酥脆多汁，招牌菜式實在係當之無愧。🌕新鮮菠蘿咕嚕肉 $168此為李小龍太太最喜愛菜式～咕嚕肉肥瘦適中，鮮甜且有咬口，粉漿唔會太厚；醬汁調味得宜，配合甜中帶酸嘅新鮮菠蘿🍍非常醒胃，可列為必點菜式👍🏻。🌗椒鹽山水豆腐片 $98此為小說家金庸最喜愛菜式～豆腐片廿炸得乾爽，店家附有蒜蓉白醋，但個人覺得唔蘸醬汁更好食。🌗蒜片安格斯一口牛 $188牛柳粒份量十足，惜略帶鬆肉粉味。🌗豉汁茄子盤龍鱔 $198盤龍鱔肉質堅挺，與軟淋茄子🍆成強烈對比，第一次見呢個新奇組合😮，夾唔夾真係見人見智。🌖上湯時菜白菜仔煮得恰到好處，唔會太軟又唔會太生有草青味。🌗馳名沙田滑雞粥$168雞肉嫩滑，但配粥仍覺味道偏咸。🌗原味手做豆腐花 $138原來木桶豆花只適用於二至三人份，一行九人嘅我地點左
龍華脆皮燒乳鴿（頂鴿）
$98
51 瀏覽
0 讚好
0 留言
🌕龍華脆皮燒乳鴿（頂鴿） $98/隻
母親大人成日都掛住龍華乳鴿係嘴邊，話原隻上自己手撕拆件最滋味，仲指明自己要獨佔一整隻，所以一行九人就已經叫左5️⃣隻。乳鴿上枱時熱辣辣，撕開鴿腿時見到有好多肉汁，係真正嘅皮脆肉嫩，酥脆多汁，招牌菜式實在係當之無愧。
新鮮菠蘿咕嚕肉
$168
22 瀏覽
0 讚好
0 留言
🌕新鮮菠蘿咕嚕肉 $168
此為李小龍太太最喜愛菜式～咕嚕肉肥瘦適中，鮮甜且有咬口，粉漿唔會太厚；醬汁調味得宜，配合甜中帶酸嘅新鮮菠蘿🍍非常醒胃，可列為必點菜式👍🏻。
🌗椒鹽山水豆腐片 $98
此為小說家金庸最喜愛菜式～豆腐片廿炸得乾爽，店家附有蒜蓉白醋，但個人覺得唔蘸醬汁更好食。
🌗蒜片安格斯一口牛 $188
牛柳粒份量十足，惜略帶鬆肉粉味。
🌗豉汁茄子盤龍鱔 $198
盤龍鱔肉質堅挺，與軟淋茄子🍆成強烈對比，第一次見呢個新奇組合😮，夾唔夾真係見人見智。
🌖上湯時菜
白菜仔煮得恰到好處，唔會太軟又唔會太生有草青味。
🌗馳名沙田滑雞粥$168
雞肉嫩滑，但配粥仍覺味道偏咸。
🌗原味手做豆腐花 $138
原來木桶豆花只適用於二至三人份，一行九人嘅我地點左個四至六人份嘅就白白無左一個影相打卡嘅機會😂。豆花豆味香濃，桂花糖水另上，可自行調配甜度。
🧠識多一點點
原來龍華酒店🏨早於1950年開業，係戰後沙田區嘅首間酒店，下層係食肆，上層係套房，金庸就曾於此居住左大半年。店內古色古鄉，不少電影取景於此，而且有各種動物例如孔雀🦚供人觀賞，更設有李小龍館，李小龍迷不容錯過！
張貼
