影片
更多
2021-08-02
67 瀏覽
做埋呢個7月（注：2021）就唔再續租嘅小糖鈕 ，一直都以特色創意甜品聞名。餅厨曾經於文華半島呢兩名牌五星級酒店餅房任職，相信非常有實力保證！聽聞老細話之後想休息，無計劃再開餐廳，聽到咁真係要拿拿聲去食，第時唔知仲有無機會食😭入到餐廳，眼睛瞬間被店鋪内繽紛嘅裝潢吸引，藝術氣息相當濃厚！🎨牆壁上掛滿色彩斑斕嘅油畫，仲有好多七彩鈕做裝飾，感覺好似入咗一間糖果屋🍬我地一行二人假日黎到餐廳晚膳，見到餐廳入座率近九成，幸運地冇訂位都有枱🍀值得留意嘅係，餐廳唔收開瓶費，顧客可以自攜酒類飲品上去飲用。眼見隔離枱上有五支紅酒做緊Blind Wine Tasting🍾，非常之Chill啊！講咗咁耐終於到主角甜品...等等先！其實呢度除咗甜品，其實同普通西餐廳一樣，有前菜、主菜叫架！我地一共叫咗兩份小食、一個主菜、一份甜品特選拼盤同一杯飲品。 [🔻所有餐點均需另收加一服務費]———————————————————————🍽️小食🔸芝士脆米棒棒鷄 （$79）+ 紫菜煙肉蠔卷 （$25/pc，2隻起）手指般長度嘅鷄棒肉質結實，食得出係合成鷄肉，因爲食到裏面有軟骨碎。但調味無味精感，食到鷄肉自然味道，加上一啲都唔
餅厨曾經於文華半島呢兩名牌五星級酒店餅房任職，相信非常有實力保證！
聽聞老細話之後想休息，無計劃再開餐廳，聽到咁真係要拿拿聲去食，第時唔知仲有無機會食😭
入到餐廳，眼睛瞬間被店鋪内繽紛嘅裝潢吸引，藝術氣息相當濃厚！🎨牆壁上掛滿色彩斑斕嘅油畫，仲有好多七彩鈕做裝飾，感覺好似入咗一間糖果屋🍬
我地一行二人假日黎到餐廳晚膳，見到餐廳入座率近九成，幸運地冇訂位都有枱🍀
值得留意嘅係，餐廳唔收開瓶費，顧客可以自攜酒類飲品上去飲用。
眼見隔離枱上有五支紅酒做緊Blind Wine Tasting🍾，非常之Chill啊！
講咗咁耐終於到主角甜品...等等先！其實呢度除咗甜品，其實同普通西餐廳一樣，有前菜、主菜叫架！我地一共叫咗兩份小食、一個主菜、一份甜品特選拼盤同一杯飲品。 [🔻所有餐點均需另收加一服務費]
———————————————————————
🍽️小食
🔸芝士脆米棒棒鷄 （$79）+ 紫菜煙肉蠔卷 （$25/pc，2隻起）
手指般長度嘅鷄棒肉質結實，食得出係合成鷄肉，因爲食到裏面有軟骨碎。但調味無味精感，食到鷄肉自然味道，加上一啲都唔肥膩，好似健康版嘅麥樂鷄。可惜上面塊半溶芝士味道不如想象濃，灑喺上面嘅脆米亦唔係特別香脆，整體味道唔算驚艷。
蠔卷好似好少見於是叫個試試
煙燻味道非常濃烈，與蠔味道匹配，不過食落好似蠔豉😂
呢個係重口味之選，食完好想飲杯啤酒🍺
🍽️主菜
芝士脆米棒棒鷄& 紫菜煙肉蠔卷
$129
5 瀏覽
0 讚好
0 留言
無知嘅我唔知咩係豬鞍，應該係豬扒嘅其中一種（？）
上網一揾資料，原來同馬鞍係friend，啫係豬嘅背部，通常連著條大骨。
呢塊豬鞍一上菜，身爲食肉獸嘅我真係超級興奮！
塊肉有我塊臉咁大（erm 應該都唔係）應該係我一隻手攤開咁大！
一刀切落去，非常厚肉又軟淋！而且燒嘅火候恰到好處！
燒澳洲無激素豬鞍伴薯菜配燒汁
$189
8 瀏覽
0 讚好
0 留言
每一啖都有肉汁飆出黎，食到油脂香但入面絕對唔係肥膏，真係不得了！
而且成塊肉腌製得非常入味😆
旁邊配菜索哂肉汁、薯仔都香口唔乾！
燒汁調味帶有紅酒香，味道濃郁惹味。
不過建議醬汁可以比多少少，可以足夠點釀全部薯仔粒嘅話就更完美！
🍽️萬衆期待 - 甜品
2 瀏覽
0 讚好
0 留言
小糖鈕特選拼盤
$188
1 瀏覽
0 讚好
0 留言
侍應一上甜品，相信個個都會Wow一聲！
大碟上有5個甜品，旁邊裝飾亦都非常精美，擺放就如藝術品一樣，根本唔想破壞佢！
侍應好詳細咁解説每一款甜品嘅材料同食用嘅先後次序，應該由淡到濃逐一享用。我地一於睇下呢啲到底有咩啦！
✨柚輪 - 蜜柚芭菲拿破輪芭菲十分柔滑！柚子味道自然，配上新鮮柚子果肉非常清新！
襯上一個好有心思嘅半環形拿破輪餅，仲有一條班蘭蛋白霜伴碟，香脆可口！
✨ 74%特濃朱古力軟蛋糕
呢個係本人强力推薦甜品！❤️
半溶朱古力蛋糕類似心太軟，但質地再濕潤濃稠啲。
特濃得黎絕對唔會苦澀，完美呈現朱古力應有嘅可可香！
✨綠茶芝士冰餅。70%特濃朱古力醬
正正方方嘅係好Creamy嘅芝士餅，味道較爲清淡，比較能突出綠茶粉嘅味道。
底層有一層特濃朱古力醬，味道上似10倍濃郁版M&M's
另外朱古力醬中有鬆脆威化，口感更加有層次。
✨橙酒啫喱。Bailey's Mousse。燉蛋
橙酒啫喱上有新鮮橙肉做陪襯，橙香怡人。
Bailey's Mousse同燉蛋十分Creamy！
✨小糖鈕森林（意大利黑松露。白朱古力忌廉）
小糖鈕招牌甜品之一，賣相相當可愛！
上面白色好似蘑菇嘅東西係加入黑松露嘅蛋白霜，外表乾脆，入口即化，黑松露味道隨之溢出。
下面有黑松露同白朱古力忌廉，
黑松露味道超級强烈，相反白朱古力忌廉主要係重奶香，唔會有市面上一啲廉價嘅白朱古力脂肪味。
呢款黑松露甜品仲加入咗好多脆身topping，口感非常有層次！
✨碟上之食用裝修
碟上有焦糖脆粒、糖霜所製成嘅小糖鈕、水果味醬，好似一幅畫咁！睇得又食得，我仲想成隻碟奶添啊！
食咗咁豐富嘅晚餐真係非常滿足💖
雖然價錢上係偏貴，但可以肯定嘅係價錢同質素係成正比（不過，的確小食方面爭少少）
一間有品質、有良知嘅店鋪唔再做落去珍惜令人極其惋惜..
希望大家可以把握時間去懲罰呢閒餐廳！💪🏻（呢篇文都出得有點遲。。🤧）
———————————————————————
推介指數：💛💛💛💛💛
⭐ 主菜、甜品高水準之作！甜品配搭新穎、甜度正常。食物無論係用料、烹調同擺盤都絕對無欺場！店鋪使用不鏽鋼環保飲管，值得表揚！
💰 人均消費：約$300
📌注意事項：
可能因應就黎結業，人數會倍增，光臨前必先電話預約。
另外餐廳内十分應聲，其他食客有機會飲大咗而聲量大增，幾乎要同佢哋不斷鬥大聲。🗣️
如不能接受吵鬧餐廳者，不建議前往❗
⏰用餐時間：普通餐點：1️⃣2️⃣0️⃣分鐘，只享用甜品：7️⃣0️⃣分鐘
📍地點：尖沙咀堪富利士道6-6A號3樓
📞電話：9704 000
張貼
