幸福班戟 (新城市廣場) (已結業)

我最愛食甜品，上次又食唔到梳乎厘班戟，今次就專程去搵嚟食😏 究竟食幸福班戟有幾幸福⁉️4點鐘就去排隊，人唔算太多，等咗20分鐘左右就入得。班戟果然係好受歡迎，店外keep住都有人排隊。場內面積唔係好大，加上而家限聚二人一枱，原本嘅四人枱變成兩張二人枱，枱數量多咗，空間會稍為逼啲。入座前先揀好食咩，直接付款，之後坐定定等野食🤤 按照哩個流程，的確節省好多用餐時間。✨奶茶班戟配自家穀麥 $102班戟有足夠空氣感，但又唔會得陣風咁，蛋味香濃，口感鬆軟入口即溶😋 奶茶醬就咁食偏甜，配埋班戟就剛剛好，味道濃郁又唔會太甜。忌廉做得好幼滑，再加上卜卜脆穀麥，一口內食到軟滑脆口嘅感覺，口感好豐富👍🏻✨時令鮮果班戟 $112時令鮮果包括蘋果、菠蘿、士多啤梨、奇異果香蕉同埋我好喜歡嘅西柚。估唔到竟然會有西柚，帶微酸澀，係我鐘意嘅味道，不過未必人人接受到😂 菠蘿都有少許酸，但其他水果都係甜嘅。不過水果數量唔多，而家冇咩特別配料，所以性價比較低。🔍整體感覺：個人會較推介奶茶班戟，因為配料奶茶醬都算有特色，味道幾好。但水果班戟嘅配料主要係得忌廉，而水果只係一啲平日都會食嘅野，冇咩特別😅 但班戟的確係做得唔錯，食出