影片
更多
2024-05-07
1358 瀏覽
近排老婆辛苦多嘢搞，所以，趁開心星期五就費事煮，做一晚「無飯夫妻」出街食，因為唔喺咩慶祝，就無上啲大餐廳，不過，都想食好少少，就算茶記都搵間有水準嘅，故此就過嚟「雪山冰廳」，因為知道佢哋有好多蒸魚選擇，呢樣真喺啱晒佢。對比上一次嚟已新裝修過，不過，對上一次其實已經喺5年前嘅事，哈哈！今次再嚟，感覺舒服好多，除咗裝潢較新簇，間隔比之前好，燈火夠光猛。一如大多數嘅茶記，調味料、餐具、餐紙早已放齊晌枱面或枱側抽櫃，阿姐亦好醒目，嚟兩杯熱水俾客人洗洗刀叉筷子，而且，都好有禮貌。睇到餐具排列整齊，又夠充足，某程度都睇到啲管理幾唔錯。兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。另外，喺牆上仲寫咗一系列是日鮮魚，有䱽魚、紅鮪、盲鰽、黃花及班仔。唔喺咁多茶記會提供咁多魚鮮菜式，當然要試吓佢哋啦。我哋就睇啱個「滋潤燉湯二人套餐」，因為既有燉湯飲，又可以揀蒸魚鮮，而另一款小菜又可以晌季節小菜嗰度揀。個餐本身就唔包飲品嘅，不過，但就有加配優惠。滋潤燉湯目測所見，好多客人都會揀燉湯飲，果然真材實料，撈一撈就見真章，而是晚
對比上一次嚟已新裝修過，不過，對上一次其實已經喺5年前嘅事，哈哈！今次再嚟，感覺舒服好多，除咗裝潢較新簇，間隔比之前好，燈火夠光猛。
一如大多數嘅茶記，調味料、餐具、餐紙早已放齊晌枱面或枱側抽櫃，阿姐亦好醒目，嚟兩杯熱水俾客人洗洗刀叉筷子，而且，都好有禮貌。睇到餐具排列整齊，又夠充足，某程度都睇到啲管理幾唔錯。
兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。
另外，喺牆上仲寫咗一系列是日鮮魚，有䱽魚、紅鮪、盲鰽、黃花及班仔。唔喺咁多茶記會提供咁多魚鮮菜式，當然要試吓佢哋啦。
我哋就睇啱個「滋潤燉湯二人套餐」，因為既有燉湯飲，又可以揀蒸魚鮮，而另一款小菜又可以晌季節小菜嗰度揀。個餐本身就唔包飲品嘅，不過，但就有加配優惠。
滋潤燉湯目測所見，好多客人都會揀燉湯飲，果然真材實料，撈一撈就見真章，而是晚燉湯喺淮山杞子椰肉雞腳燉赤肉，湯色濃而不濁，好清澈，入口清甜滋潤，非常好飲。
淮山杞子椰肉雞腳燉赤肉
15 瀏覽
0 讚好
0 留言
香煎黑松露蓮藕餅小菜揀咗藕餅，因為老婆都幾鍾意食蓮藕，同埋呢類菜式平時我哋都少搞。一客有成7件，仲要件件有番咁上下大件同厚身，煎得甘香唔油，咬落口感鬆化，裡面有唔少蓮藕粒粒，多咗一份爽脆口感，而陣陣黑松露嘅香味，亦令啲藕餅嘅食味錦上添花。
香煎黑松露蓮藕餅
1 瀏覽
0 讚好
0 留言
豉汁煎盲鰽落單時，侍應都說明蒸魚鮮需要等15-20分鐘，不過，最後都比我哋預期嘅時間快好多，同埋真喺好多人都有嗌蒸魚，未夠8:00pm已經聽到廚房話得番兩、三條。碟煎盲曹嚟到真喺有啲喜出望外，因為好大條，而蒸嘅火喉啱啱好，啲肉無黐骨，非常之嫩滑，又有魚嘅鮮甜味，加上豉汁蒸，令魚鮮味更突出，啲豉汁又可以撈飯，一舉兩得。
豉汁煎盲鰽
0 瀏覽
0 讚好
0 留言
港式茶走紅豆冰+$15、熱檸水 +$6小弟一向都鍾意晌茶記飲杯奶茶，而老婆就鍾意食紅豆冰嘅紅豆，所以嗌呢杯茶走紅豆冰就滿足到大家。其實奶茶紅豆冰都唔喺第一次飲，不過呢度刻意寫明喺港式茶走，咁你就明白佢喺落煉奶，而非花奶。紅豆嘅份量都唔少，口感又綿又清甜，奶茶嘅茶底幾芳香醇厚，入口蠻順滑，唔錯。
整體嚟講，環境舒服，啲阿姐招呼好好，又無話催你走，再者，啲嘢食得吖嘛，啱晒口味，無論燉湯，抑或小菜，以及飲品，都無咩挑剔位，食得稱心，十二分滿意呀！
張貼
