24
8
3
等級8
2020-11-05 1569 瀏覽
近來新興咗一個字詞「Staycation 」,本來趁老婆生日,都有此打算,不過,佢話晌屋企瞓自在過晌酒店,所以,酒店就無住喇,但都照原先計劃,嚟一個大西北小旅行。先到荃灣西站嘅「海之戀商場」食個晏,再入兆康,轉輕鐵到良景,晌「良景市集」(即喺良景嘅冷氣街市)打個轉,再上「港版大峽谷」嘅良田坳,最後,返到南昌站嘅「V Walk」食晚飯,就結束今日西鐵線大西北之行。言歸正傳,今次餐晏仔晌邊度食好?「海之戀商場」都喺第一次嚟,故此事前上網搵搵有咩選擇,最後揀咗「ASAP」,因為定價相宜,風評不俗。晌門口所見,餐廳內都仲有少量吉位,加上只喺得我哋兩公婆,比較易等到位。剛好,我哋就被安排坐晌近門口嘅二人枱,距其他枱都好有一段距離,所以,食得更安心,但其他位顯然就比較逼。而餐廳其實都幾大,裝修簡約,望入去,仲有大大片落地玻璃嘅窗口位,望到對岸青衣壯闊嘅風景,加上是日陽光普照,感覺更醒神。主餐牌主要有紅黃藍共3張,不過,唔喺好明顯有分門別類,但菜式睇起嚟比較多元化,無話邊種菜系突出啲,然而,定價果然算喺好相宜。 此外,所有主食都會配基本熱飲、汽水或果汁,亦可以額外加錢轉為特色飲品,仲有,更可以加配熱
更多
近來新興咗一個字詞「Staycation 」,本來趁老婆生日,都有此打算,不過,佢話晌屋企瞓自在過晌酒店,所以,酒店就無住喇,但都照原先計劃,嚟一個大西北小旅行。先到荃灣西站嘅「海之戀商場」食個晏,再入兆康,轉輕鐵到良景,晌「良景市集」(即喺良景嘅冷氣街市)打個轉,再上「港版大峽谷」嘅良田坳,最後,返到南昌站嘅「V Walk」食晚飯,就結束今日西鐵線大西北之行
。言歸正傳,今次餐晏仔晌邊度食好?「海之戀商場」都喺第一次嚟,故此事前上網搵搵有咩選擇,最後揀咗「ASAP」,因為定價相宜,風評不俗。
23 瀏覽
0 讚好
0 留言
晌門口所見,餐廳內都仲有少量吉位,加上只喺得我哋兩公婆,比較易等到位。剛好,我哋就被安排坐晌近門口嘅二人枱,距其他枱都好有一段距離,所以,食得更安心,但其他位顯然就比較逼。而餐廳其實都幾大,裝修簡約,望入去,仲有大大片落地玻璃嘅窗口位,望到對岸青衣壯闊嘅風景,加上是日陽光普照,感覺更醒神。
15 瀏覽
0 讚好
0 留言
16 瀏覽
0 讚好
0 留言
主餐牌主要有紅黃藍共3張,不過,唔喺好明顯有分門別類,但菜式睇起嚟比較多元化,無話邊種菜系突出啲,然而,定價果然算喺好相宜。 此外,所有主食都會配基本熱飲、汽水或果汁,亦可以額外加錢轉為特色飲品,仲有,更可以加配熱湯或沙律。
66 瀏覽
0 讚好
0 留言
57 瀏覽
0 讚好
0 留言
62 瀏覽
0 讚好
0 留言
67 瀏覽
0 讚好
0 留言
67 瀏覽
0 讚好
0 留言
70 瀏覽
0 讚好
0 留言
D1 牛油果流心蛋法式酸種麵包 + 烤豚肉芝士腸 + 煙肉 + 香草車厘茄 $62
 
最後我哋揀咗兩款類似All Day Breakfast嘅套餐,而揀呢款嘅原因喺一來老婆鍾意食牛油果同賓尼迪蛋,二來我就想試試件法式酸種麵包。老實講,比預期好喎,流心蛋做得好出色,睇我切開個蛋黃,啲蛋漿湧出嚟就知啦,仲加咁片芝士,如有埋荷蘭汁就成為正式賓尼迪蛋喇;此外,件酸種麵包咬落有韌勁,唔會一陣風咁,又有麥香;豚肉芝士腸、煙肉都喺啲靚貨色,食得出唔喺啲平價嘢,就連啲車厘茄都煎過,有誠意呀!
牛油果流心蛋法式酸種麵包 + 烤豚肉芝士腸 + 煙肉 + 香草車厘茄
$62
11 瀏覽
0 讚好
0 留言
牛油果流心蛋法式酸種麵包 + 烤豚肉芝士腸 + 煙肉 + 香草車厘茄
9 瀏覽
0 讚好
0 留言
D2 七味芝士雞肉烤墨西哥餡餅 + 吉列西班牙豚肉 + 煙三文魚 + 牛乳炒滑蛋 + 烤蕃茄 + 沙律 $78

睇睇個菜式名之下嘅食材組合,已覺得頗有睇頭,加上老婆好想試啲烤墨西哥餡餅,所以,更鐵定要揀佢。比「D1」,呢份仲大堆頭。烤墨西哥餡餅果然好好食,外層好脆口,而啲七味芝士雞肉超惹味;吉列西班牙豚肉你當喺炸豬扒咁食,味道唔錯,又唔算油膩,牛乳炒蛋睇見都知道佢滑,甚有奶香,就算烤蕃茄都交足貨,當然,煙三文魚算喺咁多樣嘢中,最無乜特別嘅一樣。
七味芝士雞肉烤墨西哥餡餅 + 吉列西班牙豚肉 + 煙三文魚 + 牛乳炒滑蛋 + 烤蕃茄 + 沙律
$78
10 瀏覽
0 讚好
0 留言
七味芝士雞肉烤墨西哥餡餅 + 吉列西班牙豚肉 + 煙三文魚 + 牛乳炒滑蛋 + 烤蕃茄 + 沙律
11 瀏覽
0 讚好
0 留言
洋甘菊
 
今餐兩個主菜都油油哋,所以,老婆就揀清清哋嘅洋甘菊,喺斯里蘭卡品牌Dilmah嘅茶包,雖然對茶葉嘅世界唔算熟,但總知道有呢個品牌,而洋甘菊嘅香氣幽幽,清香淡雅。飲完杯茶,留意吓內杯身:「Have a simple day」,非常有趣。
洋甘菊
9 瀏覽
0 讚好
0 留言
洋甘菊
7 瀏覽
0 讚好
0 留言
牛奶咖啡 +$8
 

由於我哋一早已打算點一客甜品嚟「些牙」,所以,加錢要杯牛奶咖啡嚟襯一襯,不過,睇樣就知喺機沖,似乎俾多咗期望。還好嘅喺,杯咖啡都唔差,夠醇香,有陣陣果仁味,就算機沖,如果豆靚都OK嘅,
牛奶咖啡
9 瀏覽
0 讚好
0 留言
雖然時近入秋,但有個甜品餐牌都仲喺以夏令為題,不過,理得佢咩季節,啱食就得。順帶講講佢哋嘅服務,其實我哋一早向A店員落單已嗌定個酥皮蘋果卷,並講明主食差唔完嘅時候後上,但見似乎無人跟進
,等咗一陣問B店員,先話幫手跟進下,此時先同我哋講製作需時,要等20min,幸而我哋唔趕,照等。之後,由C店員送上焗蘋果卷,佢真喺勁,放低碟甜品就行開咗
,喂!我哋兩個人共享,你唔俾多隻碟,至少都要兩份餐具啩
,可見啲服務質素幾低吓。
56 瀏覽
0 讚好
0 留言
酥皮蘋果卷配雪糕 $38
 
等咗真喺大概20min,卒之到咗,賣相較平實,入口無預期中即焗出爐嗰種熱辣辣,但酥皮卷喺幾香脆,頗有牛油香,而蘋果肉加咗玉桂,陣陣清甜香味,整體味道方面唔失禮,而雪糕喺好普通嘅雲呢嗱味而已。
酥皮蘋果卷配雪糕
$38
16 瀏覽
0 讚好
0 留言
不時都晌啲食評借個版位分享吓啲行山相,今次都唔例外,就分享一下「港版大峽谷」良田坳嘅風景啦。
22 瀏覽
0 讚好
0 留言
15 瀏覽
0 讚好
0 留言
14 瀏覽
0 讚好
0 留言
15 瀏覽
0 讚好
0 留言
15 瀏覽
0 讚好
0 留言
11 瀏覽
0 讚好
0 留言
9 瀏覽
0 讚好
0 留言
做人嘅嘢,越簡單越好,就喺因為有啲人成日將問題簡單複雜化,搞到一件好小嘅事,搞吓搞吓變成大事件。所以,好鍾意呢間店鋪嘅名「as simple as possible」,唯一最怕喺有啲人叫做嘢,慣性喺唔喺都話急,咩都「as soon as possible」,對依啲人要自我調節,你要快,我咪唯有交啲功課喺「as short as possible」囉,哈哈
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$103 (午餐)
推介美食
七味芝士雞肉烤墨西哥餡餅 + 吉列西班牙豚肉 + 煙三文魚 + 牛乳炒滑蛋 + 烤蕃茄 + 沙律
$ 78