影片
更多
2023-04-14
976 瀏覽
好耐無約表姨甥女出嚟食飯啦，因為佢之前長時間喺鄉郊搞復耕，近半年先搬返出嚟市區暫住，所以今晚約佢食番餐簡單嘅日本菜。聽聞「古今二」啲壽司卷好有創意、好有特色，因此上嚟走訪一下。餐廳位於「澳門逸園中心」食廈，所以一出電梯就喺餐廳，店面已經好有日本風情，走進餐廳裡面，一派傳統木系風，簡約舒適；餐廳面積唔算好大，但座位排得唔算密，加上今晚未至好爆，所以，感覺幾唔錯。另外，仲有一個長型廂房，大概坐到14人左右，睇得到可以間為兩個細廂房，適合人多時自成一角搞吓聚會。上文都提及過呢度嘅賣點喺啲創意十足嘅壽司卷，超過成40款，真喺超多，單看名字已經幾搞嘢，除此之外，仲有沙律、前菜小食、天婦羅、炸物、燒物、鍋物、湯、飯類、串燒、壽司、刺身……等等，真喺選擇非常之多。我哋都無乜頭緒，所以，都晌啲廚師推介中落手。日式章魚小丸子 $48一客有6粒小丸子，淋上自家製醬汁之後，再灑滿好多木魚碎同紫菜絲，夠晒日式傳統風味，小丸子入口粉粉腍腍，裡面章魚粒煙韌有咬口，配埋木魚碎、紫菜絲，味道唔錯。琦玉網燒牛舌 $78小弟本身都幾鍾意食牛舌，見到呢款又喺廚師推介，當然要試試。雖然一客只有4件，但件件都喺厚切，最正喺燒得
餐廳位於「澳門逸園中心」食廈，所以一出電梯就喺餐廳，店面已經好有日本風情，走進餐廳裡面，一派傳統木系風，簡約舒適；餐廳面積唔算好大，但座位排得唔算密，加上今晚未至好爆，所以，感覺幾唔錯。
另外，仲有一個長型廂房，大概坐到14人左右，睇得到可以間為兩個細廂房，適合人多時自成一角搞吓聚會。
上文都提及過呢度嘅賣點喺啲創意十足嘅壽司卷，超過成40款，真喺超多，單看名字已經幾搞嘢，除此之外，仲有沙律、前菜小食、天婦羅、炸物、燒物、鍋物、湯、飯類、串燒、壽司、刺身……等等，真喺選擇非常之多。我哋都無乜頭緒，所以，都晌啲廚師推介中落手。
日式章魚小丸子 $48一客有6粒小丸子，淋上自家製醬汁之後，再灑滿好多木魚碎同紫菜絲，夠晒日式傳統風味，小丸子入口粉粉腍腍，裡面章魚粒煙韌有咬口，配埋木魚碎、紫菜絲，味道唔錯。
琦玉網燒牛舌 $78小弟本身都幾鍾意食牛舌，見到呢款又喺廚師推介，當然要試試。雖然一客只有4件，但件件都喺厚切，最正喺燒得有碳火香，牛舌嘅質感有種彈牙爽口感，而且油脂豐盈，沾上秘製醬汁，更能夠突出牛舌嘅獨有味道，正呀喂！
琦玉網燒牛舌
$78
10 瀏覽
0 讚好
0 留言
煙花卷 $108卷物試咗兩款，而呢款叫「煙花」嘅喺以辣味三文魚、辣味吞拿魚、脆片作為組合，再晌面頭加啲蟹籽做裝飾，扮喺爆開嘅煙花，當然似唔似放煙花，就要加啲幻想同用心領會一下喇。上面嘅吞拿魚蓉堆到成個小山咁，又刴得軟滑，加埋啲脆片同蟹籽，食味唔錯；而三文魚其實晌壽司捲裏面，仲夾咗少少脆片嚟增加口感，不過話喺辣味，但食咗好多件都唔覺得辣。
金龍卷 $105另一款卷物喺以三文魚、炸蝦、芝士 作為組合，其實講就好似好簡單，但細心睇晌製作中仲有好多心思位，首先就喺將天婦羅炸蝦加上沙律醬嚟做成壽司卷，面頭嘅芝士片又火炙過，入口味道富層次，咬落去有唔同嘅口感，比起「煙花」，我哋更鍾意呢個「金龍卷」。
金龍卷
$105
8 瀏覽
0 讚好
0 留言
雖然今晚試嘅嘢唔多，但食得出用料有質素，而且，兩款卷物亦各有特色，招呼亦都幾好，侍應不時為我哋加添熱茶。
張貼
