金飯館貳·零 肉餅·焗飯專門店

營業中

休息中

成日經過旺角見到一間新開好多人排隊，主打炒飯嘅餐廳，今日終於去試下。裝修好有茶記嘅感覺，有卡位同圓枱，繁忙時段係需要同人搭枱。🔶蝦頭油炒飯 高水準嘅炒飯，飯粒粒分明，份量足夠兩個人亨用，有蝦頭、有好大粒嘅蠔，仲有櫻花蝦，食落好有鑊氣！不愧係必食推介🔶蜜桃鮮茄焗豬扒飯 坊間好多嘅焗豬都選擇用菠蘿，但金飯館用蜜桃🍑，令到酸甜剛好。🔶即炸三寶丸(沙嗲汁)$26 唔知係咪當日太多人叫，只食到兩款丸，第一款係墨魚丸，第二款係牛丸。牛丸相對較為出色，好重牛肉味，配搭秘製沙嗲汁，增加另一種風味。金飯館2.0 性價比高，選擇種類多，下次再光臨想嘗試刈包。