影片
更多
2017-06-18
135 瀏覽
過去嘅母親節都無機會同媽子食飯，趁今日早收工就同佢黎呢度補返數食餐好嘅。因為西餐媽子唔係咁啱，所以就帶佢黎呢間之前食過覺得唔錯嘅福建菜館，媽子聽到係米芝蓮餐廳即刻心花怒放。隨桌小食依然係紫菜花生。兩者都香脆同好食尤其係紫菜本身偏厚好適合係菜式同菜式之間隔住黎食。因為得兩個人所以都唔點太多。頭盤點左蝦苗伴頭水紫菜，酸酸咸咸的好開胃。同埋紫菜唔會一夾就散仲保持一定程度嘅咬口，中間嘅蝦米仔更為紫菜提供一陣咸鮮味，連媽子都讚。 之後係冰浸苦瓜。因為近排都無返屋企食飯飲湯，所以點佢黎清下熱同下火。苦瓜切成長薄片除左辟走大部分苦澀外，亦更易入口。甘涼爽脆嘅瓜肉配上少少糖漿，真係好消暑。而今晚嘅主角就係蟶子了。因為佢依家做緊個＜哆頭蟶節＞所以我地就聽侍應姐姐推介，點左以下兩款蟶子菜色，發覺哆頭蟶子比見開嘅短細，但飽滿啲。椒鹽蝦子。炸得咸香酥脆而又唔會太乾，加上蟶子好飽滿所以食落口感十足。同埋有苦瓜墊底所以完全唔使怕熱氣。 另一道係薑蔥炒蟶子，雖則微辣但非常鮮味，因為蟶子炒到啱啱離殼所有汁同水分都仍然係度，所以蟶子肉好爽嫩彈牙，一件接一件咁好快就俾我地消滅左了，好適合用黎配飯食。同埋成餐所有蟶子都
隨桌小食依然係紫菜花生。兩者都香脆同好食尤其係紫菜本身偏厚好適合係菜式同菜式之間隔住黎食。
蝦苗伴頭水紫菜
9 瀏覽
0 讚好
0 留言
同埋紫菜唔會一夾就散仲保持一定程度嘅咬口，中間嘅蝦米仔更為紫菜提供一陣咸鮮味，連媽子都讚。
冰浸苦瓜
6 瀏覽
0 讚好
0 留言
而今晚嘅主角就係蟶子了。因為佢依家做緊個＜哆頭蟶節＞所以我地就聽侍應姐姐推介，點左以下兩款蟶子菜色，發覺哆頭蟶子比見開嘅短細，但飽滿啲。
椒鹽蟶子
9 瀏覽
0 讚好
0 留言
椒鹽蝦子。炸得咸香酥脆而又唔會太乾，加上蟶子好飽滿所以食落口感十足。同埋有苦瓜墊底所以完全唔使怕熱氣。
薑蔥炒蟶子
4 瀏覽
1 讚好
0 留言
另一道係薑蔥炒蟶子，雖則微辣但非常鮮味，因為蟶子炒到啱啱離殼所有汁同水分都仍然係度，所以蟶子肉好爽嫩彈牙，一件接一件咁好快就俾我地消滅左了，好適合用黎配飯食。同埋成餐所有蟶子都無沙，抵讚。
興化米粉
15 瀏覽
0 讚好
0 留言
而米粉係屬於幼身嗰種，食落較涼爽唔會有太飽濟同油膩嘅感覺。撈一啲莆田自家製酸辣醬一齊食，會更加惹味。
張貼
