呢間主打海鮮嘅餐廳 除咗尖沙咀同灣仔之外 亦都進駐咗圍方 餐廳環境寬敞舒適 可以帶埋寵物一齊用餐 落地玻璃旁邊嘅座位採光度充足 午市時段有Brunch Menu 有3-5 Course 沙律．餐湯．主菜．小食．甜品可以自由配搭 跟埋餐飲．份量充足 特別喜歡✨慢煮美式豬肋骨 醬汁濃郁惹味．肉質軟腍 配上紫菜飯好美味 ✨海鮮芝士通心粉 熱辣辣．充滿溫度 芝士有拉絲感 ． 份量再多一點就更好 其中一款 必定要配搭甜品 ✨雜莓乳酪 酸酸甜甜 添上新鮮藍莓同士多啤梨 是日精選蛋糕．味道都唔錯 今餐滿足又滿意 下次再嚟可以試下其他款式

是日去「朝」聖！誠意推介呢間位於太子嘅日本嘢 晚市6:00pm準時排隊 因為真係隨時滿座 太肚餓 點咗好多嘢食 牆上面有廚師推介 點咗個蟹肉茶碗蒸 真系滑到估佢唔到 爭啲熱親喉嚨 啲料仲多到滿瀉 擺得好豐富 食住日本料理 當然要配返杯靚酒 呢款威士忌梅酒 夠晒特別 淡黃色加冰 酸酸甜甜 個杯好有手感好有feel Gin ToNick 加上薄薄檸檬一片 味道比較強烈 整體來講 酒類飲品超抵飲超好食 清酒煮蜆 隻隻好似寶石💎咁靚 又大又圓滑肉質鮮嫩多汁 🤩 豚肉生菜新鮮 加上豚肉與辣椒絲 味道開胃爽脆 芝士年糕 用紫菜包住熱辣辣 咬落去感覺好幸福 軟綿綿咁 A4和牛薄燒最引人入勝 由店員親手幫你用火槍噴一噴 非常吸睛 隔籬枱都即刻叫咗份🤣 烏冬羊架 柚子味羊架….真係好多嘢食 提提大家 九點後呢度仲有五折 (唔知呢個優惠仲有冇呢？)真係好抵呀

本身唔係食開素，但喺朋友推薦下就嚟食下依間素食cafe。小店晚市時段人流滿滿，冇訂位見有d人要等好耐。 菜品比較簡單，但全部都圖文並茂。 跟餐嘢食可以揀配一杯熱嘅玄米茶唔使加錢，玄米茶好香，感覺都幾高質。 黑松露炸蝦帶子意大利飯 ($128) 素食嚟講做得幾出色。帶子係啲菇菌類，整到連個口感、味道都好似食緊真嘅一樣，尤其係個煎嘅帶子皮，帶點咸香又有少少脆，好有驚喜。 炸蝦都好好食，個脆皮應該係腐皮整，外脆内軟。 見隔離枱有拎d芝士粉，我哋又貪得意拎一份，原來係d nuts碎，倒落意大利飯又幾夾。 自家製茼蒿青醬意大利粉 ($88) 個意粉感覺係走健康路線，唔係好咸。可以落啲檸檬汁調味。配料以菇菌同茼蒿為主。 黃薑焗福花配自家製乳酪 ($58) 見個名幾特別就叫咗，福花其實係椰菜花，但感覺偏咸。自家製乳酪唔係好夠。佢仲落咗少少藍莓，個組合幾特別。 最出色嘅可以話係個甜品 日本南高梅柚子青提慕絲蛋糕 ($68) 第一次食純素蛋糕，佢少咗cream嘅肥膩感，食落清新自然冇冇乜負擔。青提同埋蛋糕入邊嘅柚子都好清甜，非常好食。 糖漬檸檬伯爵茶杏仁撻 ($58) 成個甜品好balance，因為有糖漬同埋檸檬，食落感覺酸酸甜甜，伯爵茶味道好出。 甜品太好食，下次嚟要再食吓唔同款式。

🌟今日朋友帶我到銅鑼灣食好嘢，在fashion walk附近King Ludwig, 一間幾靚裝修嘅德國餐廳，仲有得選擇室外位置。 ***** ***** ***** ***** ***** ***** 雜菜餐湯🫕 這裡雜菜湯好香濃帶輕微嘅辣度，非常惹味。 維也納豬肉腸配酸椰菜🥓 同朋友每人一條腸，德國腸真係好味，脆卜卜嘅外皮香腸好有特色，椰菜好新鮮，酸酸哋好開胃。 四色芝士撻色薄餅🍕 這裡的pizza都是handmade, 餅底好鬆化，咬口1流，茄醬🥫清甜, 配上四重芝士，味道非常香濃，pizza好味到停唔到口。 🧋Ice coffee & Ice Mocha 我哋好鍾意飲這裡咖啡，享受到啡味好濃香。 總括來說，這裏環境很好，好適合三五知己嚟聚會。

之前去過台灣食好出名嘅麻糬後就念念不忘，今日就去咗觀塘呢間catchi.hk甜品店試試沾醬麻糬。無論麻糬，醬同脆脆都有太多味可以選擇😋，最後就揀咗抹茶麻糬+芝士奶蓋+oero脆脆。靚女店主好好人咁介紹每一隻醬同脆脆，最後仲送埋牛油薄脆俾我試添🤩。 麻糬好煙韌好好咬口，就咁食都好好食，沾埋芝士奶蓋同牛油薄脆真係世界級，尤其個芝士奶蓋唔會太漏，但又好有芝士味👍🏻。食下食下一個人就好快食晒全盒😂。絕對值得有下次！ 另外再叫多咗件抹茶×北海道蜜紅豆嘅麻糬三文治，店主用咗低甜少糖配方，好啱香港人口味尤其女士，麻糬照舊煙靭好食，抹茶加紅豆呢個組合冇得輸👍🏻👍🏻👍🏻

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼ 大角咀不乏美食✨最近得知一間由意大利廚師直接主理嘅隱世西餐廳，環境舒適寧靜✅配合柔和燈光，相當有情調💝無論係二人世界拍拖或親朋好友聚會都適合～ 🥗凱撒沙律 配 帕爾馬火腿（$98） 沙律菜新鮮爽口，以鬆脆麵包粒同鹹香帕爾馬火腿作伴，口感及味道都非常豐富💋 🦪芝士焗蠔（$78/3隻） 焗蠔大隻肥美，上面鋪滿拉絲芝士🧀入口盡是濃郁奶香，滋味無比😋 🍝白酒蜆肉扁意粉（$128） 蜆肉鮮甜飽滿，而且份量不少，當中亦加入香濃白酒調味🍾配上煙靭爽彈扁意粉，令人一試難忘💥 🐖西班牙豬鞍蘋果醬伴雜菜紫薯容（$178） 擺盤精緻，豬鞍肉質鮮嫩多汁，油脂分佈均勻👍🏻用上焦糖蘋果醬作點綴，增添味道層次💫再伴以新鮮蔬菜及軟滑紫薯蓉，飽肚感十足🙆🏻‍♀️ ▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

今日去咗位於天后餐廳 餐廳已開業30年 最有名菜式係牛舌 見到每台客人都係食牛舌 我地都試吓 食完都幾滿足非常厚切個牛舌🥢 🍚厚燒牛舌飯定食 厚燒牛舌飯定食有中華沙律、味噌湯 牛舌飯有成五大塊厚切牛甜 好誇張 每一塊塊係咁厚身 見到外層燒到少少焦香 而肉質好嫩 再配埋黑椒更加香口 不塊係主打牛舌 🐟照燒銀鱈魚定食 銀鱈魚魚肉好嫩滑 佢係以日式嘅煮食煮銀鱈魚醬汁味甜甜地 配飯啱哂 🥢吉列豬扒定食 吉列豬扒炸成香脆 裡面肉質有肉汁同埋唔會過瘦 每一件都好厚身 我地就配咗冷蕎麥麵🍜佢配咗蕎麥麵汁、蔥 、生葵 冷冷地都幾好食 🧀 炸濃厚芝士餅 小食方面叫咗炸芝士餅 上台嘅時候係熱辣辣 滿滿嘅芝士煙煙靱靱

公司旺季收工都成凌晨12點，呢期慣例都會同同事一齊食埋宵夜先返屋企，不過開得夜嘅餐廳都唔係好多選擇，好食嘅就更加少。今日就有同事帶路嚟到土瓜灣食呢間傳統港式火鍋店，話價錢平靚正。🤓🤓 成班同事叫到一枱都係，款式超多，大把選擇，而且有好多大枱，咁多食物一張枱都放得晒。 我哋叫咗豬骨煲，睇番相都覺得足料，湯底香濃，火鍋配料都新鮮好食。推薦鵝腸同手切肥牛🤓小食都有水準。同事講得冇錯，真係要用三個字：平、靚、正😋

戀上台式料理 【台灣美食天堂 You are always gonna be my love…my first love💖】 今次要推介嘅就係將軍澳地區最受歡迎的台式料理餐廳之一，讓人彷彿置身於台灣的美食兼打卡天堂—戀上台式料理 First Love♥️♥️ . 環境： 餐廳位於將軍澳海濱附近，店外設有chill爆戶外座位，可以帶埋毛孩一齊溫馨下！店內亦有靚靚花牆/綠草牆，環境清幽舒服，好似置身大自然一樣🍃💖 整間餐廳充滿著濃郁的台灣氛圍，從牆上掛著的傳統台灣藝術品到用心裝飾的餐桌，都展現出對細節的重視，真係「戀上呢間台式料理」啊！ 另外一個本人覺得好加分位嘅係，「愛戀沒經驗 今天初發現⋯」，餐廳播放住好多耳熟能詳嘅經典粵語老歌，愈聽愈有mood食嘢，聽到個人好開心！！💖 . 食物： 菜單提供了各種經典的台灣美食選擇，包括滷肉飯、三杯雞、魯肉飯、蚵仔煎，更重要嘅各種台式甜品等等。除此之外，亦多元化地融入唔同香港人最愛嘅料理，包括燒肉、酸菜魚，一間店舖滿足你多個願望💖 我哋就叫咗： ♥️燒肉系列 🔹火鍋美國牛小排（100g） $78 🔸鹽燒五花腩 $78 自助式大鐵爐俾你享受同朋友慢慢對酌燒肉，你都係咪話唔嘆！肉質鮮嫩仲配埋燒汁，滋味十足💖 ♥️經典台灣美食系列 🔹台式紅燒牛肉麵~附送前菜 $88 面底我哋揀咗刀削麵，配埋古早牛肉湯底，牛味香濃，牛肉份量多💖 🔸口水雞二小拼盤（口水雞/溏心蛋/豆腐） $68 呢個拼盤好抵食，一個價錢有齊三種滋味，豆腐同糖心蛋就啱啱好兩件，啱啱好夠人頭，口水雞嘅份量就多啲，但係呢個價錢嚟講都好抵💖 🔹鹽酥大大雞扒 $78 推薦推薦！！鹽酥大雞扒份量好多，外皮香脆，內裏雞肉鮮嫩💖 ♥️飲品 🔹香芋珍珠鮮奶 $32 🔸樽裝-青島純啤酒 $28 話說我都係第一次見支裝啤酒用凍碗飲😹雪凍個碗飲更加滋味！呢個戰鬥碗真係令人忍唔住飲多兩杯💖 📍：戀上台式料理
地址: 將軍澳唐俊街21號翩匯坊地下G26號舖
電話: 22190191
. . . . . . . #將軍澳#將軍澳美食#將軍澳海濱#台式餐廳#台式料理#台式#戀上台上料理#燒肉#酸菜魚#台式飲品

🍱餐廳：川味香 🏫地址：紅磡德民街29號德民大廈地下J1號舖 ☎️電話：54034700 朋友喺紅磡呢頭返工，佢好鍾意食串燒，就係佢附近來一個串燒晚餐🤗 ～薄切牛舌 $25 每串有三大件，燒得很香口，帶有獨特的牛舌味，香口惹味👍 ～白鱔$40 每串也有三大件，真材實料，鱔片是厚切的，肉質鮮嫩，調味適中，也爽口彈牙呀😁 ～燒安格斯牛仔骨 $58 一份又係三大件，燒得香口不太乾，加了適量的孜然粉，帶有炭香味，內裡肉質嫩滑，好味之選😊 ～魷魚筒$65 喺燒烤店必食之選，廚師燒烤的時間剛剛好，上檯熱辣辣的，魷魚軟硬度剛剛好，口感新鮮，值得一試！ ～雞腎串$28 $28有兩串，燒到外焦內嫩，咬落去可以感受到外層的酥脆口感，內裡仍能保持細嫩多汁，口感細膩！ ～芝士年糕$28 $28有兩件，煙煙韌韌綿密的年糕配搭濃郁的芝士，口感順滑，食完串燒後吃這個甜品真係大滿足❤️

上個禮拜一晚同老朋友去咗海之戀分店食晚飯，當晚大約6點半去到餐廳門口，不用排隊入座，侍應直接指示隨便揀枱坐。因為我地坐近玻璃大窗，可以睇到美麗黃昏既海景！總體服務質素幾好，侍應好有禮貌，當我地落單叫嘢食，佢地又主動建議一d菜式！食物質素不差，每碟食物上枱時熱度夠，賣相吸引！我最鍾意嗰碗酥皮海鮮龍蝦湯(其實我唔記得🤭個名係咪叫"酥皮海鮮龍蝦湯")，總之好好飲😋！加上價錢合理，2個人埋單$400左右落樓，下次同其他朋友再嚟幫襯！

一位移民海外嘅朋友返嚟請食飯 就book咗呢一間好耐冇去過嘅美利酒店 我哋正價book所以比較貴 要差唔多$1000一個人如果唔係人哋請嘅話我一定網上面book咗先，其他網站有得平啲 主菜冇乜驚喜，不過不失咁啦，有帶子鱸魚同埋牛扒可以選擇龍蝦就要再加百幾$200，香檳都要加錢，所以唔好亂咁去櫃檯攞😂 記得佢哋係冇飲品供應，只有熱水。 雪糕係M字牌子嘅雪糕。 自助海鮮非常鮮甜 長腳蟹同生蠔都好靚我朋友不停refill ，就算我哋去到10:30走嗰一刻嗰啲嘢食都仲係好多食物，唔會有空盤 酥皮三文魚即係威靈頓三文魚，我朋友話超好食，但係本人本身唔鍾意食酥皮所以覺得冇乜特別😊 最好食係個天使蛋糕，甜品好多都有驚喜🥳🤩一定會encore

Heart Bar & Restaurant
地址：佐敦廟街285號地舖

放工朋友帶咗我去咗間超驚喜餐廳🤪餐飯唔單止食物質素高，價錢又平，而且仲要大大碟！如果你想試吓多款美食，就嚟呢度試下佢哋嘅Set Dinner啦😄💕

Set Dinner (是日餐湯-西蘭花🥦; 香煎澳洲草飼肉眼牛扒🥩; 是日甜品-甘筍蛋糕🍰) $288
西蘭花湯作為頭盤，呢個湯濃郁滑順，令人食完之後心情都好！😊香煎澳洲草飼肉眼牛扒，個牛扒煎得啱啱好，肉質鮮嫩多汁，一刀切落去，肉汁都流出嚟🥩。甜品係甘筍蛋糕而且仲要係大大件😍，蛋糕鬆軟香甜🤪，甘筍嘅香味都好突出，一啖入口，唔會太甜，而且仲要食得出落足材料，正🥰。

Set Dinner (是日餐湯-沙律🥗; 烤法國油封鴨髀配香橙八角鴨肉汁🦆; 是日甜品-黑森林蛋糕🍫) $288
新鮮嘅蔬菜同醬汁拌埋一齊，味道清新又開胃！烤法國油封鴨髀配香橙八角鴨肉汁，鴨肉烤得恰到好處，外脆內軟，搭配香橙八角鴨肉汁，酸甜味道好平衡，令人回味無窮，正。黑森林蛋糕大大件😍，朱古力味濃郁，蛋糕層層疊疊，一啖入口，而且唔會太甜，每一口都令人陶醉，正。


脆炸雞翼🐔$48
脆炸雞翼外層炸得金黃酥脆，內裡肉質鮮嫩多汁，每一口都充滿著香氣和美味！配上特製的醬汁，更能提升整體的風味😋，正

飲品：青春常駐🫖$30
青春常駐入面有無花果、玫瑰同洛神花，味道清新，飲落去好舒服！🌺😌

飲品：寧神🫖$30
寧神有檸檬乾、玫瑰同蝶豆花，味道酸酸甜甜，令人心情愉快！🍋💖

#nicefoodie佐敦

----------------
#food #hkfoodblog #hkgoodblogger #foodie #foodblogger #goodstagram #hkfood #hkfoodie #hkfoodlover #delicious #hk #香港 #香港美食 #美食 #佐敦美食 #打卡 #佐敦 #香港口味 #隱世美食 #隱世小店 #半價優惠 #人氣餐廳 #人氣美食 #香港好去處 #西餐 #西菜

深水埗開咗新餐廳🎉即刻出動嚟食lunch，本來諗住試一次先，點知好食都我連續食兩日😆餐廳氣氛好relax好舒服，仲有落地大玻璃窗，而且上菜都幾快👍🏻 泰式香料䐁肉碎炒通粉(少辣) $78 第一次嚟點咗通粉，通粉上枱時熱辣辣出哂煙，睇落勁吸引🤤點菜時侍應講明呢款通粉係辣的，我又想食又驚辣，咁就點咗少辣。食落唔覺得有辣，係吞咗落肚先係喉嚨感受到微微的辣，呢個辣度我勁滿意👍🏻 通粉粒粒都好彈牙，味道濃郁，少少鹹，加埋肉碎勁惹味，非常好食。 法式黑椒牛柳配溫室蔬菜 $88 第二次嚟點咗牛柳，牛柳有3大塊，份量比想像中多。牛柳食落味道濃郁，肉質軟腍無筋，呢個價錢嚟講都幾高質。好欣賞牛柳的淡淡黑椒味，好好食，再蘸d黃芥末更正👍🏻 蔬菜有翠玉瓜同紅黃椒，都好juicy好鮮甜，唔錯。 跟餐沙律 沙律同餐廳的擺碟好精緻，尤其係盛沙律的玻璃杯，太靚啦🤩Sauce係和風醋，唔錯。 跟餐餐湯 雪燕粟米忌廉湯 第一次嚟的餐湯係粟米湯，質地非常Creamy，食落有淡淡的奶香味，好正，仲有好多粟米同雪燕，勁有口感，無諗過雪燕同西湯咁夾。 跟餐餐湯 雪燕周打蜆湯 第二日再嚟時餐湯轉咗喎，轉咗蜆湯😮蜆的份量都幾多，粒粒都脹卜卜，味道都唔錯👍🏻 跟餐水果 好少可套餐會有水果跟，水果杯內有哈蜜瓜，菠蘿，火龍果，蜜柑同藍莓，都幾豐富，而且全部都好香甜，好欣賞菠蘿係新鮮菠蘿，勁甜🤣 料理X空間 (深水埗) 深水埗青山道3及5號建新大廈地下E 號舖 *上述文章只供參考及以當時價格為準

平時真係好少入元朗🙊但為咗見我「陛下」，再遠都要入去見佢啦🩷 我同陛下都鐘意打卡，所以揀左間葡萄牙風嘅cafe，佢嘅裝修以藍白色為主，營造出異國風情😚而位置都非常寬落，絕對係朋友傾偈好去處🫶🏻 ✨肉醬煙肉千層麵 千層麵嘅層次分明，酥脆香脆，同埋肉醬嘅鹹香味同煙肉嘅煙燻味好夾，令人食完之後回味無窮，絕對係一道值得推薦嘅美食！ ✨ All day breakfast 有煙三文魚、牛油果、茄汁焗豆、炒蛋、大啡菇、香草薯粒、蕃茄、原味貝果🥯貝果仲可以加錢揀其他味道😗我哋就揀左藍莓味😌正正子～ ✨自家製開心果巴斯克芝士蛋糕 開心果嘅香脆同芝士嘅濃郁結合得恰到好處，口感豐富，又帶有微微嘅堅果香氣，令人一試難忘。如果你鍾意芝士同開心果嘅味道，絕對唔可以錯過呢款美味蛋糕！ 飲品方面我哋揀左Flat White 同Cappuccino☕️兩款咖啡味道都好濃厚好有風味！原來呢間Cafe好注重咖啡嘅品質，佢哋會嚴選咖啡豆，然後再自家研磨烘焙🩷如果你係一個咖啡愛好者，就一定要嚟試吓呢度嘅咖啡啦😚