影片
開飯介紹
懷舊港式冰室，番茄濃湯通粉配牛乳炒蛋及瑞士雞髀是不少食客的必點之選。玻璃冰、紅豆冰和綠椰冰等特飲亦有水準。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
平時星期一至五午餐時間長期都有人喺門口排隊等位或者等外賣 今日OT之後嚟食晚飯 輕輕鬆鬆唔使等#蔥花滑蛋叉燒飯 $60飯品加錢半價佢俾得太少豉油 所以整體味道較淡 蔥花滑蛋都好食既 叉燒正常 整體正常發揮#潮州蠔仔肉碎泡飯 $60蠔仔份量足 可惜好味精😔 食完之後勁口渴
繼續閱讀
一坐低就見到枱上介紹六大必點美食，兩個人去就試咗其中兩個。首先介紹特色蕃茄濃湯通粉配炒蛋，加招牌瑞士雞髀（$59）。番茄濃湯據稱以200斤新鮮蕃茄、豬骨同雞骨烹調10小時製作，的確幾濃味，只係略嫌太甜。瑞士雞髀同蕃茄湯一樣，雖然味道唔錯，但係又莫名其妙地甜。另一個午餐點咗金牌咖喱牛腩飯配熱奶茶（$62）。咖喱汁撈飯，都幾好食，可惜部份牛腩有啲韌，奇怪之處就係咖喱汁少少辣之中又有啲甜味，唔知呢間冰室嘅廚師係咪好鍾意甜甜哋？
繼續閱讀
聽朋友講鰂魚涌有間冰室啲嘢食又好食，而且份量又好慷慨，所以今日特登去試吓樓下冰室叫咗三樣嘢食：出名嘅蕃茄北海道牛乳炒蛋湯通粉配招牌瑞士雞翼蔥油豬扒蛋飯西多士我一向好鍾意食蕃茄類嘅食品，尤其鍾意飲蕃茄湯，樓下冰室嘅蕃茄湯通粉真係名不虛傳，濃郁嘅蕃茄湯再加上海量嘅通粉，上面擺放住由北海道牛奶炒嘅滑蛋，食完成個人真係即刻暖晒至於蔥油豬扒蛋飯，真係好大碗，連平時食量驚人嘅朋友都爭少少食唔晒雖然已經好飽，不過好耐冇食西多士，所以都忍唔住叫咗一份，依間嘅西多士同其他茶餐廳唔同嘅地方就係佢餡入面嘅花生醬係用上粗粒花生醬，食落口感脆卜卜，再加上邪惡嘅牛油同蜜糖，真係名副其實嘅 comfort food樓下冰室性價比非常之高，價錢適中，而且份量十足，即使係大食嘅男仔都一定夠食，之後有機會都想再嚟幫襯#樓下冰室
繼續閱讀
最近揾到一間好正嘅新式冰室，啲食物真係好吸引！佢哋嘅瑞士汁雞翼煮得好入味，見到隔離枱每個人都有嗌，應該係招牌黎。原隻蔥油雞一上枱好震撼，隻雞好大份啲雞肉好嫩，蔥油嘅香味又好突出，配飯食一流！炸海鮮芝士豆腐好似普通魚蛋咁，但配埋我碗炒蛋配蕃茄麵，成餐飯即刻好滿足！滑蛋炒得鬆軟，麵條煮得夠彈牙，配埋啲酸酸甜甜嘅蕃茄湯底，冰室做到呢個質素真係好掂滑蛋叉燒飯係我朋友食的，但係我自己都忍唔住食左佢幾啖，啲蛋炒得勁滑身，叉燒份量都好多，佢碗飯真係好抵食
繼續閱讀
朋友喺鰂魚涌附近做嘢，今日約咗佢食個靚早餐，呢間樓下冰室我一早book mark左，因為見人share過佢嘅滷水雞髀同滷水雞翼好正，想試好耐，今日終於有機會啦😍😍我哋去到嘅時候係10點幾，原來早餐餐牌係冇滷水雞髀㗎，問咗侍應姐姐，佢哋話11點後先有架，咁我哋時間都好鬆動，就揀咗個早餐慢慢食住等11點，食佢個雞脾啦🤤🤤見到佢嘅招牌係蕃茄湯厚餐肉通粉，咁就試下佢啦，朋友就揀左芝士煎蛋菠蘿包餐個蕃茄湯真係不得之了，勁多蕃茄蓉，勁足料，好fresh arrr🤤🤤後餐肉真係夠晒邪惡，真係勁後設，滿足晒口腹之欲😂見就嚟11點，紅豆冰係同雞髀係絕配，所以早餐嘅餐飲，叫定杯紅豆冰，等11點嘅滷水雞髀🤤🤤朋友嘅菠蘿包到啦，好誇張，除咗芝士煎蛋，仲有生菜，菠蘿包皮夠晒脆，個咸勁豐富，勁滿足呀！一到11點，即刻嗌咗份滷水雞髀同雞翼😂真係勁好味，雞皮入晒味，個滷水汁調得好出色呀！一定要再幫襯！
繼續閱讀
您可能會有興趣的...