219
6
1
| 餐廳: | U IZAKAYA |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵銅鑼灣站 A 出口, 步行約4分鐘
繼續閱讀
電話號碼
95063962
開飯介紹
設有西式吧檯、裝潢摩登的居酒屋，供應多款以海膽入饌的菜式，鮮味十足，配搭壽司、燒物等日式料理，帶給你新的居酒屋體驗。
繼續閱讀
營業時間
今日營業
12:00 - 16:00
17:00 - 23:00
星期一至日
12:00 - 16:00
17:00 - 23:00
以上資料只供參考, 請與餐廳確認詳情
有關獎賞計劃
優惠
8折
日韓式餐廳$500通用現金券 (堂食)
$400
$500
85折
日韓式餐廳$100通用現金券 (堂食)
$85
$100
| 餐廳: | U IZAKAYA |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
最近早收工同男朋友出咗去覓食🤣想靜靜地食吓嘢傾吓偈 真係好推薦呢間西日料理 佢哋主打各款日式菜式、串燒、刺身、酒水等 價錢喺銅鑼灣嚟講算中規中矩 不過佢哋嘅串燒Menu都好抵食性價比高🙌🏻餐廳環境典雅別緻 座位闊落乾淨 有戶外同室內用餐區 夜晚過去chill吓都係一個唔錯嘅選擇❣️💓香煎新鮮本地去骨春雞伴薯炒雜菜呢一款即叫即整 大約需時20分鐘👍🏻燒春雞嫩滑唔鞋 外皮香脆 肉質啖啖肉 新鮮又好食🙌🏻💓三文魚籽海膽杯餐廳招牌作品之一 一上檯就感覺極度澎湃又吸引 海膽堆到小山再被三文魚籽包圍住 濃郁鮮味既海膽配上啵脆三文魚籽 配埋醋飯一齊食 口感好豐富‼️💓三文魚手卷 💓黑松露帶子手卷💓蔥油甘魚蓉手卷手卷性價比好高 大約$16-$20一卷 新鮮好食 三文魚肥美無比 黑松露帶子飽滿鮮甜 一路食手卷一路飲番杯酒就啱啱好🔥💓雞軟骨 💓雞皮 💓雞肝 💓紫蘇雞皮蝦卷 💓雞翼 💓雞頸肉💓多春魚（2條）💓松露薯條💓蒜香橫隔肌 💓蜜糖芥辣羊西冷串燒價錢大概$10至$30不等😍款式選擇多 性價比好高 叫多幾款都唔心痛 即叫即燒🔥燒得香口唔乾 個人覺得雞皮蝦卷同雞翼真係無敵💯嫩滑多肉汁 雞頸肉爽口嫩滑 宵夜過嚟chill住食都無問題🤣💓柚子乳酸梳打 💓荔枝乳酸梳打飲品選擇多 有酒、乳酸梳打等 味道香甜 解膩首選
繼續閱讀
地點係銅鑼灣，時代廣場後面，地鐵站行過去都唔算太遠環境格局都唔錯，有個露台，出面個境都幾開揚 。有串燒不過抽風系統唔錯，冇咩油煙味不過缺點係出面有人食煙會吹返入間餐廳入面 。食物都算ok, 串燒都抵玩，反而意粉同扒相對就一般同偏貴 。壽司都幾新鮮如果鐘意飲酒，都幾多酒可選服務方面一般 ，唔知係唔係好難請人，服務員不多，叫野食上菜都比較慢兩小時環交檯，如果一大班朋友吹下水食下野都幾趕，不過場地都唔錯，可以傾到偈。
繼續閱讀
網上見到$10 2串 即刻book左枱😆分3個價錢 $10/2串、$20/2串、$30/2串真係算好抵食！！ 本身無咩期望 純粹搵個地方同朋友聚下 surprise 既係每串都係正常size 唔係細細粒肉 味道都ok 大家食得好爽 最正係手卷都一樣咁平 $16-$20左右@1 完全唔馬虎 抵食抵食！！！Menu仲有好多正價野食 但就偏貴 我地嗌左3-4個正價野食 壽司好高質 魚生真係靚料 熟食都好好食 食食下變左人均$500左右🤣🤣
繼續閱讀
其實都係睇食評book咗呢間餐廳，上到嚟餐廳成個格調唔錯，仲有啲期待；呢間係餐廳會籍嘅餐廳，仲即刻做埋會員。坐低佢會俾「沙律」你，唔要要同佢講一開始先叫左6樣野：6隻生蠔、海膽豆腐、海膽茶碗蒸、馬賽魚湯、雞腎串燒同豚肉秋葵卷。先講生蠔，叫左法國同美國嘅，老老實實賣$348蚊嚟講質素個人覺得中規中矩，偏貴。鍾意食生蠔應該會失望之後係豆腐，成餐裏邊叫做最好食，豆腐上面配海膽係唔錯嘅接着講嘅item就真係好一般啦…….雞腎串燒應該係我食過最難食嘅，冇調味可言豚肉海膽卷都燒得好乾，如果你呢間嘢建議唔好食串燒了海膽茶碗蒸純粹係海膽、三文魚子配蒸蛋，茶碗蒸係冇任何配料，海膽純粹加上去，成個感覺好分離… 然後係等咗半個鐘嘅馬賽魚湯，其實係龍蝦湯嚟🥲味道都偏咸成餐賣單$891，呢個價位對唔住唔合格，最重要其實未食飽，不過已經唔敢再叫啦。佢嘅服務亦都好一般，要叫餐啊，叫人加水都好難叫到人，大家睇路🥲
繼續閱讀
餐廳：U IZAKAYA地點：銅鑼灣耀華街菜式：日式居酒屋蒜香羊西冷 $30 另加一羊肉都淋，不過羊味唔重，面頭好多蒜蓉同葱花。可以啦。炸芝士年糕 $30 另加一炸芝士年糕一客兩件，外皮少脆，入面都有芝士流心，反而個沙律醬就唔太夾。前菜 $38 另加一前菜係青瓜條，紅蘿蔔條同蘋果條，伴有醍魚dip。個dip味道可以。三個人比兩份你。入座後只可以坐兩個鐘，服務員會提你交枱。呢度都有百幾蚊既意粉，就會飽肚d。
繼續閱讀