影片
營業時間
今日營業
17:30 - 00:00
星期一至日
17:30 - 00:00
以上資料只供參考, 請與餐廳確認詳情
登龍街呢個美食集中地，廿幾年都一直無變過，仲變得愈來愈多美食進駐😋今日朋友介紹之下，去左間又地道，又好食嘅日式燒烤店🔥“炭火地雞”🔥佢係主打用日本備長炭烤串燒，入到間鋪唔會好煙。當然仲有好多不同主食，小食任君選擇。由於款式太多，我叫左好多唔同款式串燒。串燒黎講，火喉，食材絕對係重中之中，呢間店就真做得好出式😎肉食方面：👍🏻燒雞柳，佢地主打用嘉美雞，嘉美雞皮下脂肪少，肉嫩富彈性，燒出黎嫩口，雞肉味豐富。👍🏻牛三角腩，肥美香口，入口有小小油脂，好食！👍🏻牛小排，燒得唔會過熟，有肉汁，牛味香濃！😍鱔呀！本身我就鍾意食鱔，一放入口就知新鮮，燒完仲好彈牙！正！😍最令我眼前一亮，反而係兩個比較素的燒物, 明太子燒淮山，同芝士年糕麻薯卷。💥明太子佢大大粒得黎，上面個堆明太子，一啲都唔孤寒，小辣，基本上調味都唔洗，就可以食到淮山嘅口感，明太子嘅口味，爽口美味！💥芝士年糕，呢個趁熱食真係好正好正，溶溶地個狀態，芝士味好濃，好香！口感好綿❤️戀愛感覺呀😂💥麻薯卷，香口，煙韌，個燒汁香甜雞軟骨雞柳（芥末）雞翼雞腿鹽燒牛小排A4鹽燒和牛三角腩秋葵卷紫蘇卷麻薯卷無花果卷炭燒白鱔黑松露带子燒明太子燒淮山田樂燒茄子炸日本山芋芝土年榚😆😆越叫越多食得好開心😆😆其他野燒物都好出色，不能盡錄，總知可以encore!最後亦都係最重要係啤酒買一送一呀😂食串燒點可以無啤酒送呀！爽呀喂！呢一間真係良朋聚會，晚飯吹水宵夜嘅好地方。
繼續閱讀
如果你問我夜晚食乜好，我未必答到你，因為選擇太多，但如果你specific問串燒食邊間好，我絕對可以比一個無懈可擊既答案比你，就係日式燒鳥專門店「炭火地雞」，你諗下一隻雞，N咁多個部位，唔同部位有唔同口感、味道，淨係燒鳥都夠你食成晚呀！👇🏻📌串 燒 - ▪️ 燒 鳥 -▫️「雞頸」圍繞雞頭部位周邊既肉，食落極富彈性，好有咬口。▫️「雞翼」燒得夠哂脆口，外皮帶少少焦香，調味岩岩好，唔會太鹹。▫️「雞心」個口感食落比較上腍滑，係口腔裡面瞬間爆汁，而且相當入味，好食。▫️「雞腎」食落相當爽口，外層無出面果種乾身既質感，裡面仲幾juicy。▫️「雞皮」燒得恰到好處、入口脆卜卜，索索聲，夠哂邪惡。▫️「雞尾」無市面食開果種怪味，食落油脂豐厚到不得了，好滿足。▫️「雞胸軟骨」咬落比起普通雞軟骨更加有爽脆，軟骨亦夠腍身，正！▫️「免治雞肉棒」食親串燒都一定嗌呢個，雞肉棒軟腍入味，加埋濃郁蛋黃，入口更加香滑惹味，大力推薦。▪️ 燒 牛 豚 -▫️「鹽燒牛舌芯」賣相絕對係厚切，食落口感爽彈有咬口，裡面唔會乾爭爭，肉汁豐富。▫️「味噌松板豬」Size夠厚身，豚肉配上味噌，做到鹹甜適中，值得一試。▫️「鹽燒黑毛和牛牛小排」和牛油脂香味濃郁，如果係牛魔王呢個真係要嗌。▪️ 飯 面 -▫️「濃香雞湯素面」簡單一碗雞湯，沖淡返之前串燒既油膩感，麵條每一啖都係濃香既雞湯精華，絕對係食完串燒之後既恩物。▪️ 甘 味 -▫️「芝士年糕」睇得出chef係好用心即叫即燒，外層做到微脆，裡面芝士岩岩呈現到半溶狀態，作為甜品真係好好食。
繼續閱讀
「炭火地雞」開業數年，窩夫與閨蜜去年11月終於有機會一試。以備長碳炭火燒，別具風味。看「炭火地雞」的店名便知道餐廳主打雞，有雞的不同部位和內臟，也有雞以外的選擇。先來兩杯飲品，閨蜜的百香果梳打($36)及窩夫的菠蘿青檸梳打($38)，味道都不錯。薯仔沙律($68)上有一隻煙燻的流心蛋，再加上蟹籽和青瓜，令沙律的味道和口感更有層次。雞內臟當中，點了雞心($38)，一串五粒細細粒，非常考功夫，廚師及格有餘。鵝肝醬和鴨肝醬都吃過，雞肝醬比較少見，當然要試試。雞肝醬多士(2人份)($58)的雞肝醬份量足，香滑美味，配鬆脆多士一流。椎茸免治雞肉($38)多了一重椎茸的香，味道更有層次。雞肝($40) 甘香滋味，燒得剛剛好，不會太生也不會太硬。一人一串燒雞翼($58/2串)，雞皮燒得香脆，鎖得住肉汁，水準之作。第一次吃燒的雞腳筋($32)，口感特別，值得一試。雞胸軟骨($34)比常吃的雞膝軟骨好吃，肉較多，也沒那麼硬。豚肉卷着荔枝或露筍較普遍，秋葵卷($34)和芫茜卷($36)都是第一次吃。窩夫對芫茜卷印象較深刻，芫茜的香味填滿口腔，芫茜控必試。熟成雞腿肉($42)外層的雞皮燒得香脆，雞腿肉嫩滑多汁，非常好吃。最後是麻糬卷($36)，麻糬口感軟糯，吸收了肉味，跟平時甜食的麻糬感覺很不同。
繼續閱讀
來到銅鑼灣一間居酒屋食串燒，呢間串燒店以雞為主角，雞串燒的選擇都可以分到好仔細，例如雞腳筋、雞頸、雞心、雞心管平時小見的部位都可以點到，喜歡食雞同探索另類味道的朋友，相信絕對不能錯過。🧐👏🏼🐥🍢🔥串燒即叫叫燒，睇住串燒師傅燒串燒，真的火喉十足。🍡🍢🔥✨飲品餐廳的啤酒選用了日本札幌SAPPORO品牌，價錢買一送一，相當抵飲。而我哋揀了無酒精飲品，因為整餐都是點選串燒，所以選了滋潤為主的菠蘿青檸梳打（$38）及柚子蜜梳打（$32），可以清除一下熱氣。🍻🍹🍍🍊🍯✨燒鳥🐥雞皮（$34），一塊大大的雞皮壓縮至一串，燒得非常乾身，每一口都好似食緊薯片，香脆無比。雞柳（芥辣）（$32），入口甜滑，肉質很嫩滑，用即磨的山葵調味，味覺有一種微辣的衝擊。雞翼（$32），雞翼打橫燒，火喉平均，令雞翼的外皮很香脆內嫩。雞胸軟骨（$34），較白色的雞胸軟骨都很爽口，咬起來也很緊緻結實，很有咬口。免治雞肉捧（日付見）（$38），雞肉棒燒到脹卜卜，肉質鬆軟，蛋黃沾上雞肉棒令口感更細滑，濃香滑溜。鹽燒熟成雞腿肉（$42），整串雞腿肉都緊實度適中，啖啖肉，簡單的鹽燒已經好夠味。不同雞的部分口感滋味各有不同，每一串炭香味濃，夠哂火喉。🍢🤤👍🏼✨海鮮🐟炭燒白鱔（$68），白鱔燒得外皮金黃色，而且魚汁鮮甜豐富，味道甜滑。黑松露帶子（$58），帶子燒得很滑身，濃濃的炭燒味，加入黑松露的味道令帶子的香味更香濃。🐟😍🫶🏻✨燒牛豚🐮鹽燒牛舌芯（$58），牛舌芯爽口又多汁，彈牙、又有嚼勁，加埋檸檬汁味道更加提鮮。鹽燒黑毛和牛牛小排（$68），牛小排的牛味香濃，黑毛和牛更有絕對的質素保證。鹽燒A4和牛三角腩（$78），A4和牛的雪花均勻，入口的脂肪和油香比例都較高，和牛很腍，做到入口即溶的口感。☺🥩🔥️👏🏼✨燒豚🐷麻薯卷（$36），豚肉包住麻薯，燒熱左的麻薯煙煙韌韌，燒豚肉燒至乾身，配搭突出了麻薯的口感。✨甜品焦糖蕃薯配雪糕（$58），選用日本黃芯蕃薯，有種甘甜的栗香甜道，有一層薄薄脆脆的焦糖道上蕃薯的表面，雪糕用上了濃滑的日本牛乳味道，很喜歡雪糕同蕃薯一齊食那種冷熱交融的感覺，份外的滿足感。🍠🍨😍
繼續閱讀
嚟緊陸續有飯局，個個都旨意大胃拍板gathering嘅地方，真係諗爆頭。銅鑼灣有間日式樓上串燒店，有mood有質素，不失為好方案呢間主打雞串燒，選用最正嘅嘉美雞，食嘅部位有啲都好特別。雞腳筋有種外脆內彈嘅感覺，扭轉一般人對腳筋嘅形象提燈係輸卵管、卵巢同未有殼未成熟嘅雞蛋，口感有啲似雞膶，粒燈就係好嫩嘅蛋黃免治雞肉棒撈埋月見蛋，肉質爽綿又creamy。雞心管又嫩又彈，好有驚喜。熟成雞腿整成卷狀，啖啖肉好有質感串燒製作全用日本備長炭，相當講究。松板豬好有臘肉嘅香，叉燒嘅口感，香到極致。用和牛包住未生成殼嘅蛋，牛嘅油香同蛋香非常之夾牛舌好厚切，啖啖牛香極纏綿。和牛三角腩嘅脂肪分佈超完美，好食到欲鮮欲死。用豚肉包住麻糬燒，麻糬嘅膨脹令人興奮，實而不滯，同豚肉相映成脆包住鵪鶉蛋又得啫，蛋嘅香綿同豚肉都好夾。燒白鱔燒得好好，皮脆肉嫩，甜而帶點澀香燒淮山好少食到，仲要咁大嚿，鋪上厚重明太子，超香爽又唔會黏口柚子檸檬撈蕃茄，消膩開胃，令人追住嚟食炸雞皮撈香蔥酸汁，估唔到效果咁好，睇戲送酒超正雞肝醬好少聽到，搽多士食原來都好正，惹味包又鬆軟芝士年糕燒得好靚仔，咬開芝士緩緩流出，唔會膩好滿足日本生啤買一送一，食串燒送酒啱晒，仲好大杯𠻹，飲勝
繼續閱讀
您可能會有興趣的...